Yobu 10:9 - Mawu a Mulluku

⁹ Upuwellani wi mwakoopille ni olloko. Ethiyo vano munakihokollosella onthupini wenko?

Yobu 10:9 ပူးပေါင်းရင်းမြစ်များ

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Yesaya 64:8

Komave nyu Apwiya muri attiitthiihu. Niri wonanko olloko nave nyuwaano muri wonanko awoopa vawi niri mitteko dda mattaanyu.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Yeremiya 18:6

“Nyu Aisraele, ethiyo mi ngiwora weera ni nyu wonanko aneerella awoopa epalloolla? Ngoonani, muri m'mattani mwakammu wonanko olloko m'mattani mwa awoopa epalli.

Aroma 9:21

Awoopa mino ookhalla ni olamulello woophariha mutteko olloko mmo anapaallelleeye nave woopa mino miilli ovenyera va olloko omodda yooyo; mmodda woopharihiwa mutteko wa shisha nave mmodda woopharihiwa mutteko va nllapo noopaalleya.

Yesaya 45:9

Otulli wa oyo anakangana ni Oophatusaaye vawi ari wonanko nivalli shisha variyari va mavalli makhwaaye. Ethiyo olloko ttuumukoha awoopa wi, “Ethiyo onoopa tini?” Apaalle ollota wi, “Awoopawe, khonna eruso!”

Masalimo 106:4

Apwiya, mukuupuwelle mwaawoonihellaka oreera murima athwaanyu, mukikavihere mwaawaavullusaka

Masalimo 90:3

Munnaahokollosella athu onthupini nave munnallota wi, “Nyu anamwani a athu, hokollowani.”

Masalimo 89:47

Upuwellani wi mallapo a okumaaka tti ooyeva. Ethiyo mwaaphatuselle nivuddo athu attheene?

Masalimo 25:18

Onani ddoohoosa ddaka ni ddookatamiha ddaka, kikhululukelleni machimwaaka mattheene.

Masalimo 22:15

Ommilloni waka wohumma wonanko nivalli, nllumi naka nohaangellella onramani. Mookihiya vanthupini wi kikhwelle vaavo.

Yobu 17:14

Kallota wa nlliti wi, “Ori attiitthaaka,” ni wa miingu wi, “Ori amoowaaka, ori murokoraka,”

Yobu 7:7

Mulluku upuwellani, okumaaka tti wonanko mpweya, ngiwa koona erive ello yaphaama.

2 Akorinto 4:7

Nave hiyaano nirina eyuuma ya Munepa niri wonanko mino wi noonihe wi masiva muullupalli tti a Mulluku, ohiri a hiyaano.

Yobu 4:19

Mwawiidde muthu awoopiwa ni olloko, oyo matthipellwaaye tti ethaya, oyo anaanyenyeye wonanko enjenjete.

Yobu 7:21

Kaambiiwa tini muhinakikhululukelleenyu machimwaaka ni okivenyihella ddoolakwa ddaka ddittheddene? Vawi enthawi yoovollowa mu mahame ehanlle vang'ono, muneerokaasha koma khamuwa mukoonattho.”

Yobu 10:10

Ethiyo khemwaakimiminne wonanko mukaka, mukillipihe wonanko mukaka woottikana?

Yobu 33:6

Ddawoona, kiri monga nyuwaano vamiitthoni va Mulluku vawi miyaanottho koopiwe ni olloko.

Yobu 34:15

ddaano ddookumi ddittheddene ddonongeyille, ddaano athu attheene ehokollweelle onthupini.

Masalimo 78:39

Aanuupuwella wi alliwa tti athu shisha, tti wonanko ephevo yoovira, yoohihokollowattho.

Masalimo 104:29

Mwaddiipitthihella ekhovaanyu, ddinnoova ni otathilla murima. Mwaddivenyihella mpweya, ddinnakhwa, ohokollweella onthupini.

Masalimo 103:14

Vawi ennadduwella mmo naphatuselliweehu ennuupuwella wi hiyaano tti nthupi.

Yesaya 64:7

Khaavo aniithanella va nnddina nanyu voovekellani apaalle anatikheya ni ddooveka nikavihero wa nyuwaano. Mohiipitthiha ekhovaanyu nave moonitthattusa akaporo a machimwaahu.