Yobu 10:7 - Mawu a Mulluku

⁷ Naari mudduwellaka wi ngilakwille khaavo anaakivulluse m'mattani mwanyu.

Yobu 10:7 ပူးပေါင်းရင်းမြစ်များ

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

1 Atesalonika 2:10

Nyuwaano tti ambonaahu ni Mullukuttho wi makhallellwaahu wa nyuwaano munakhulupilila, yaari aweella, oolungama ni oohikhalla ni yoolakwa.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Hoseya 2:10

Vano kineerewoonihella vaweella epwillimwinddaaye wa ezibwenzi ddaye nave khaavo naari mmodda anaamwaakihere m'mattani mwaka.

Daniele 3:15

“Mwaakhullella wi mwiiwa winlla wa nipallapata, echitoliro, zeze, ethangara, gitala wizilo ni wiipa wa mitundumitundu, muneeropopheya erukullu vatthi ni ollapella nifano nagolide nno kiniimenseemi, ddaphaama. Koma mwaahinillapella muneerovokhiwa mu eng'anjo yamunllo. Vano ethiyo tti mulluku oovi anuuvulluseni m'mattani mwaka?”

Masalimo 50:22

Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Masalimo 7:3

Apwiya Mullukwaaka, kaarimi kenre ddenndda kimuchimwenlle arive muthu,

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

Yobu 42:7

Apwiya emallihalle ollota mawu yaalla ni Yobu, yaamulleella Elifazi Mutemani wi, “Mi kohuushella murima wunchichi weyaano vamodda ni akhwaawo eellaayo vawi khemwaallonte ddaphaama dda miyaano wonanko eerelle oorumeyellaaka Yobu.

Yobu 31:35

Ha, kaariki ni mmodda ookiiwa! Kinimallupella wi kinallota ddawoona, Mulluku Amasiva Mattheene akaakhulle! Weerokhalla phaama mudanaaka alembilleke wonanko kalata mullatu oyo anakiipeeye.

Yobu 31:14

kineere tini Mulluku vootthupulluwani, kinaallote tini vookiipani mullatu?

Yobu 31:6

Mulluku akilinge va esikelo yoororomelleya, adduwelle wi miyaano kiri oohichimwa.

Yobu 23:10

Koma annadduwella meetellwaaka, kineerokhalla wonanko golide akeesa.

Yoswa 22:22

“Mulluku Amasiva Mattheene tti Apwiya. Mulluku Amasiva Mattheene tti Apwiya. Annadduwella nave Aisraele eneerodduwella naarimi naavaanyihaka apaalle naachimwellaka Apwiya

Yobu 9:12

Ngoonani, annaakha. Ethiyo ttaani anaamuhiihe? Ethiyo ttaani anaamukohe wi, ‘Ethiyo oneera tini?’

Yobu 9:21

Naari kihinna mullatu, kinniinyaambusa meekha, kinnawuvevulla okumaaka.

Yobu 9:22

Tti emoddamoddave, sika kinallota wi, Mulluku annawoononga nimodda oochimwa ni oohichimwa.

Yobu 10:15

Kachimwa, otulli ori ni miyaano! Kakhalla oolungama, ngiitukhulla vawi kinnawulliwa muru vawoonani ddookatamiha ddakanndda.

Yobu 11:4

We oneesa wi mawaawo tti awoona, onaddeesa oohichimwa vamiitthoni va Mulluku?

Yobu 13:18

Koowukhozekella phaama mullatwaaka, koodduwella wi kiri oohilakwa.

Yobu 27:22

Ennamoopa moohimmorella ethakaraka olliye vaweeseesani othawa mwawaakuva.

Yobu 32:1

Sika athu ararwaalle yaahiya omwaakhulla Yobu ekaamba yawi aaddooniha yeekha wi tti oolungama.

Yobu 33:9

We enallota wi, ‘Mi tti aweella, nginna yoolakwa, miyaano tti oolungama, nginna nichimo.

Yobu 40:8

Ethiyo ttuukeesa miyaano oolakwa? Ethiyo ttuukihumullulla wi we okhalle oolungama?

Yobu 23:11

Koowanddeellella othwara manyallwaaye, koopharesesa oohihiya ettillaaye.

Yesaya 43:13

Mi tti Mulluku nave kineerokhallavove, khaavo anaawore othawa m'mattani mwaka apaalle orukunusa mitteko ddaka.”

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”