Yobu 1:8 - Mawu a Mulluku

⁸ Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliyooyo veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku.”

Yobu 1:8 ပူးပေါင်းရင်းမြစ်များ

Yobu 2:3

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliye veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku. Olliye tti oororomelleya wunchichi naari weyaano wakiwatiherille wi kiwaakhullelle wi omuhoosa vihiri ekaamba.”

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Yesaya 1:16

Hapani, ddeelliheni nyookha nave venyihanivoni vamiitthoni vaka mitteko ddanyu ddoonanara. Ddawoona, hiyani weera ddoonanara

Miyambo 8:13

Owoova Apwiya tti wiitana ni ddoonanara. Kinniitana ni okota wiitukhulla, weera ddoonanara ni muwano mookhoromana.

Yobu 8:20

Ddawoona, Mulluku khanamukhoota oohilakwa, navettho khanamukavihera oochimwa.

2 Mamwene 23:25

Yosiya ahinavollowe omwene, khaarivottho mwene mmodda oophwanaphwanana oyo arukunuwelle wa Apwiya ni murimaaye muttheene, okumaaye muttheene ni masivaaya mattheene, voothwarani malamulo a Mose. Nave olliye akhwille, khaarivottho mmodda oophwanaphwanana.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Numeri 12:3

Mose aari awiiyeviha omukhwaranya arive muthu va ellapo yavatthi.

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Masalimo 18:23

Ngaari ni mullatu vamiitthoni vaye kaanaarapa machimo mu okumaaka.

Yobu 34:14

Mulluku eeki uupuwelle yeekha m'murimani mwaye, eeki iitthukumanihelle yeekha munepaaye ni mpweyaaye,

Yobu 12:4

Kinnattheyiwa ni akhwaaka, miyaano oyo kaveka wa Mulluku, aanakaakhulla, muthu oolungama ni oohichimwa, koma ollello kiri oottheyiwa.

Yoswa 1:7

Komathi khalla amasiva ni oollipa murima wunchichi. Ochenjere wi wiiwellelleke malamulo mattheene ayo Mose oorumeyellaaka uulleelleeye. Oohirukunuwella onnattanatta apaalle wuunyotthoni wi orive weko onaayeekeewe ddiweetelleke phaama.

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Ezekiele 40:4

Muthooyo aakilleella wi, “We mwaana a muthu, wehesesa nave apella maaru phaama. Ohiyevo murima va ddittheddene kinaawoonihelleemi vawi yeella sika ekaambiiwa kuuwiihelleemi wuno. Vano waatthopoollelle Aisraele ddittheddene nnddo kinuulleelleemi nave onooneewe.”

Masalimo 89:20

Koomuphwanya Davide oorumeyellaaka, koomuzoza ni makhuraaka aweella.

Masalimo 37:27

Vano hiya ddoonanara era ddaphaama, wi okhalle va ellapo yavatthi wa enthawi yoohimalla.

Masalimo 36:1

Machimo ennallota m'murimani mwa muthu oonanara, khanamoova Mulluku m'maganizoni mwaye.

Masalimo 34:14

Orape ddoonanara nave weere ddaphaama, ashaasha murendelle ni murimaawo muttheene.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Yoswa 1:2

“Mose oorumeyellaaka ookhwa. Vano, khozeka weyaano ni Aisraele attheenaalla, mullapuwe muhinje wa Yordani nave muvollowe mu ellapo eyo kinaawaavaheemi Aisraele.

Yobu 2:1

Vaakhalla nllapo nimodda mvo angelo a Mulluku yaphiyalliiwa wi eddoonihella vamiitthoni va Apwiya, nayeenettho Satana aaphiya variyari viwa.