Yobu 1:5 - Mawu a Mulluku

⁵ Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

Yobu 1:5 ပူးပေါင်းရင်းမြစ်များ

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

Yobu 8:4

Apaalle anaawo yaamuchimwella Mulluku sika ahaallaka ekaamba ya machimwiiwaayo.

1 Samuele 16:5

Samuele ahaakhulla wi, “Ee, kaweella waarera. Kaweella waaheraatthella mukutho Apwiya. Muddeellihe nave niye naheraatthi mukutho.” Samuele aamupatula Yese ni anaaye aallopwana nave aamwiithana wi yavelleellena mukutho.

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Mitteko 8:22

Vano ohiye ddeko ddoonanaranndda nave ovekelle wa Apwiya wi yuukhululukelle maganizwaawo oonanara.

1 Mamwene 21:13

Athu eellaalle yaavollowa ekeraatthi moowehana ni olliye. Yaambille ni ovelleella omboni vamiitthoni va athu attheene wi, “Naboti aamutembelela Mulluku navettho mwene.” Sika athwaayo yaamukhumiha otte wa muzinda emuvokha malluku ophiyera okhwa.

1 Mamwene 21:10

Mwaakuse athu eelli oonanara murima wi emuhumullulle ni mawu awi, ‘We woomutembellela Mulluku ni mwene.’ Vano mumukhumihe otte nave mumvokhe malluku akhwe.”

Genesis 22:3

Ohinase wene Abrahamu aapotokosa esaduro ya va bulwaaye. Aatthallattho ekhuni ddawoosella mukutho nave aamukusa Isaki ni akaporwaaye eelli, etimulla olendo wooya o nipuro nno Mulluku amulleelleeye.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Mitteko 21:26

Osaka wene Paulo ahaakusa athwaayo nave olliye ni athwaayo yaheellihiwa. Nave aavollowa mu enyumba ya Mulluku wi aalleelle dda enthawi ya omalliha wa ooddeelliha mvo mukutho wa arive muthu onaaheraatthiwiiwa.

Luka 18:7

Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye.

Yohane 11:55

Vano Ehakallallo ya Paska a Ayuda yahaatamella. Sika athu anchichi yaavenyera m'muzi oya o Yerusalemu Paskooyo ahinaphiye wi yeellihiwe.

Luka 1:75

koma mwaweella murima ni mwa echilungamo vamiitthoni vaye mallapo mattheene ookumaahu.”

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Oollalleya 9:10

Erive ello munaaweerekeenyu ni masivaawo mattheene. Vallethi onipuroni na ookhwa onayeewenko khori mutteko, oganiza, ezeru apaalle odduwella.

Masalimo 5:3

Apwiya, ohinase munniiwa mawaaka, nndduwa naakhumaka kinnavekella wa nyuwaano nave kinnatiyerella wi mukaakhulle.

Yobu 41:25

Anyaruwa naari amasiva ennoopopiheya. Yiiwa mukhitwaaye, ennatthukumella.

Yobu 27:10

Ethiyo olliye ttuuhakallalla ni Mulluku? Ethiyo ttuuvekella wa Mulluku enthawi ddittheddene?

Yobu 2:9

Vano mwaariye aamulleella wi, “Ethiyo onnaroromellave wa Mulluku? Mullotelle epewe nave okhwe!”

Yobu 1:11

Koma mwahiya omuteteza nave mwamwaakha ddittheddene ariiyena, moohikayikella aneerewuullotellani epewe vamiitthoni vanyu.”

Nehemiya 12:30

Vano allupa mukutho ni Alevi yaaddeelliha nave yaaweelliha athu, millako ni esiri dda mpanda.

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

Eksodo 18:12

Sika Yetero aaheraatthi wa Mulluku mukutho wooshellelliha ni mikutho ddimoddattho. Nave Aroni ni oohoollella a Aisraele yaawa wi eche ni Yetero vamiitthoni va Mulluku.

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

1 Mamwene 18:31

Aakusa malluku khumi ni meelli moollikana ni waata wa malloko a anamwani a Yakobo oyo Apwiya yamuromonlliiwa wi Israele.

Eksodo 24:5

Vano ahaaruma asombwe a Aisraele wi yavelleelle mikutho ddooshellelliha ni wiipha eng'ombe wi yavelleelle wa Apwiya mikutho ddeeyaattano.

Yobu 1:4

Anaaye aallopwana yaanakeraatthiha machellello mwawaakakhana, nllapo nimodda wa mmodda, nllapo nimodda wa mmodda. Nave yaanawiithana arokoriwa ararwaalle o machellelloninko wi eche ni owirya vamodda.

Yobu 6:14

Va ddoohoosa wonanko nndda kinnaapaallesesa akhwaaka oororomelleya, khaya kinnamoova Mulluku apaalle iyaayi.

Ezekiele 14:14

Naari athu araru, Nowa, Daniele ni Yobu yaariki wenko yaavulluse okumiiwave ekaamba ya ororomelleya wiwa. Mi Apwiya Mulluku koollota.”