Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yobu 1:3 - Mawu a Mulluku

3 Aakhalla ni enkhosa 7,000, ekamira* 3,000, eng'ombe ddamutteko 1,000, abulu aatthiyana 500 ni allupa mutteko anchichi. Sika aari muthu oolemelesesa waakhwaranya athu attheene a o ellapo dda wookhuma nndduwa.

အခန်းကိုကြည့်ပါ။ ကော်ပီ




Yobu 1:3
34 ပူးပေါင်းရင်းမြစ်များ  

Kahaatthoollella ettilla, kaari wonanko oohoollelliiwa, wonanko mwene variyari va akhotwaaye, wonanko awaakhurumusa awinlla.”


Apwiya yaamudalisa Yobu va mamallapwaaye oomallihella okhwaranya awaamba vawi aakhalla ni enkhosa 14,000, ekamira* 6,000, eng'ombe ddamutteko 2,000 ni abulu aatthiyana 1,000.


Aisraele yaalla mmiddo ddiwa, Amidiyani ni Aamaleke ni athu a wookhuma nndduwa, yaanawa enawanana ekhoto.


Solomoni aakhalla ni ezeru waakhwaranya athu attheene a wookhuma nndduwa ni dda attheene a o Iguputo.


Vano Balamu ahaamba ollotella wi, “Balaki mwene a o Mowabu ookiithana ovenyera o Siriya, omiyaangoni dda wookhuma nndduwa wi, ‘Waawoni mumutembelele Yakobo munipuroni mwaka, waawoni mumwaashere Israele ddoonanara.’


Madaliso a Apwiya ennavaha eyuuma, khenoonjereravo ethakaraka.


Ekaamba ya Sarai, Farao aamweerella ddaphaama Abramu voomuvahani enkhosa, epuri, eng'ombe, abulu, ekamira* vamoddattho ni akaporo aallopwana ni aatthiyana.


Abramu aamukusa mwaariye Sarai, Loti mwaana a mung'onong'onwaaye ni eyuumaaye ettheene ni akaporo aariiyena o Harani. Sika ahaamba olendo wooya o Kanani. Ephiyalle o Kanani,


Vano Yakobo aavirellella ni olendwaaye wooya o ellapo ya athu a wookhuma nndduwa.


Sika khewaari munyepu wookwakhwanella ochihella eziweto dda eellaayo vawi arive muthu aakhalla ni eziweto ddinchichi. Sika waari woohiworeya wi ekhallelle va nipuro nimodda.


Aamaka mizinda ddaye nave aakhalla ni eng'ombe ni enkhosa ddinchichi vawi Mulluku aamuvaha eyuuma yinchichi.


Nave aamaka mattattha muchipululuni nave aakata ehime ddinchichi vawi aakhalla ni eziweto ddinchichi omapuroni oochihellawo eziweto ni omataponi. Aakhallattho ni athu oollima m'matani ni athu oowehera mpesa omiyaangoni navettho o ellapo dda ethaya yaphaama vawi aanakonda ollima.


Khalle Mesha, mwene a o Mowabu aanaweta enkhosa. Nave orive muyakha aanakhoma musonkho wa mwene a o Israele voovelleellani asaanaankhosa 100,000 ni mapururu a anankhoro ankhosa 100,000.


Waakhalla muthu mmodda eeyuuma yinchichi, oovenyera o etawoni ya Mawoni. Aakhalla ni enkhosa 3,000 ni epuri 1,000 nnddo achiheeye o Karimele. Nllapo nimodda ahaamba ochema enkhosa ddaye o Karimele.


Yaanawa ni eng'ombe ddiwa ni misasa ddiwa. Yaanawa anchichi wonanko middope nave waari woohiworeya oweerenga athwaayo ni ekamira* ddiwa nave yaanayoononga ellapweeyo yaawaaka.


Ethiyo nndda kheddinattaphullella wi eziweto ddiwa ni katundwiiwa ddinaakhalle ddaahu? Sika vano hankoni naakhullelle wi ekhalleke variyari vahu.”


Koma ahinakhwe ahaakawellawo emphaso anaaye amoddaalle aayarilleeye mwa awariye ang'onong'ono. Attheenaayo ahaarumiha o ellapo ya wookhuma nndduwa wi yakhalle wenko, waavenyihawo wa mwanaye Isaki.


Enthawi yeeyo Zeba ni Zalimu yaari eri o Karikori ni akhotwiiwa, ayo yaari athu vakhuviru 15,000. Alliwaalla tti akhoto ayo yahanlle mwa akhoto oovenyera wookhuma nndduwa vawi akhoto 120,000 yaari ekhwille.


Amidiyani ni Aamaleke ni athu oovenyera wookhuma nndduwa yaaddalla mutapo mutthemwene wonanko nazombe ekaamba ya waata wiwa. Nave ekamira* ddiwa ddaari ddawaata wonanko mihava dda mukhwipi mwa enyanja.


Yaawanaka ekhoto Davide aanawiipha athu attheene, allopwana ni atthiyaneene. Koma enkhosa, eng'ombe, abulu, ekamira* ni ddoowara aanaddikusa anayaana wa Akishi.


Anaaye aallopwana yaanakeraatthiha machellello mwawaakakhana, nllapo nimodda wa mmodda, nllapo nimodda wa mmodda. Nave yaanawiithana arokoriwa ararwaalle o machellelloninko wi eche ni owirya vamodda.


Ethiyo nyuwaano khemukhanlle mumutetezaka virive veko, olliyoolle vamodda ni nibanja naye ni ddeko ddaye ddittheddene? Moomudalisa va mitteko ddaye ddittheddene nave eyuumaaye yohaata wunchichi.


Vawi munnakoha wi, ‘Ethiyo eri wuuwi enyumba ya muttekweene? Ethiyo ori wuuwi musasa olle mwakhalla oochimwa?


Ngaahakallanlle ekaamba ya eyuumaaka yawaata apaalle ekaamba yawi mattaaka yaaphwanya ddinchichi.


Keeromutthopoollella Mulluku mitteko ddaka ddittheddene, keerophiya vamiitthoni vaye wonanko mwene.


Sika Yobu aavekellelle akhwaayaalle, Apwiya yaamuhokollosella eyuumaaye. Yahaatiha opiilli nnddo aariiyena khalle.


Apwiya enallota dda Kedara ni dda mamwene a o Hazori ayo Nebukadinezara mwene a o Babiloni aagonjihalleeye wi, “Timullani mwaahelle ekhoto a o Kedara! Woonongeni athu a wookhuma nndduwa!


Apwiya ahaadalisa wunchichi apwiyaaka nave aawunnuwiha wunchichi. Ahaavaha enkhosa ni epuri ni eng'ombe ddinchichi. Ahaavahattho siliva ni golide, akaporwiiwa aallopwana ni aatthiyana navettho ekamira ni abulu anchichi.


epuri ddaamutthiyana 200 ni ddaamullopwana 20, enkhosa ddaamutthiyana 200 ni ddaamullopwana 20,


Muthu eeyuumooyo aakhalla ni enkhosa ddinchichi ni eng'ombe ddinchichi.


Menahemu aaphwanyille makobiraayo ovenyera o musonkho oyo Aisraele yakhomiiwa. Arive muthu eeyuuma aanakhoma musonkho wa makobiri masiliva makhumi matthanu. Sika mwene a o Asiriya aahokollowa nave khaakhanlle mwiillaponimmo.


Obili Muishmaele awehera ekamira.* Yedeiya Mumeronoti aawehera abulu. Yazizi Muhagiri awehera enkhosa ni epuri.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ