Yobu 1:18 - Mawu a Mulluku

¹⁸ Ahinamallihe ollota, amithenga mmodda aaphiyattho ni mawu awi, “Aniinyu aallopwana ni aatthiyana attheene yaarina ocha ni omuwirya vinyo mpa mwa muullupalliiwa.

Yobu 1:18 ပူးပေါင်းရင်းမြစ်များ

Yobu 1:4

Anaaye aallopwana yaanakeraatthiha machellello mwawaakakhana, nllapo nimodda wa mmodda, nllapo nimodda wa mmodda. Nave yaanawiithana arokoriwa ararwaalle o machellelloninko wi eche ni owirya vamodda.

Yobu 1:13

Nllapo nimodda anamwani aallopwana ni aatthiyana a Yobu yaarina ocha ni omuwirya vinyo mpa mwa muullupalliiwa.

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Yeremiya 51:31

Amithenga ennarumihiwa moothwarana wi yamulleelle mwene a o Babiloni dda waakhiwa wa embali ddittheddene dda muzindaaye.

Yesaya 28:19

Erive enthawi vawooneyani oneerowiiphani. Nave woononganko onaaphiyeke orive ohinase, otthaana ni mahiiyu. Sika athu yiiwesesa othengoolla eneerewoova wunchichi.

Oollalleya 9:2

Athu attheene ddinaamorella tti ddimoddamoddave, oolungama ni oohilungama, aweella ni ooripihiwa, oovelleella mukutho ni oohivelleella. Aphaama ennaphwanaphwana ni oonanara. Oollupella ennaphwanaphwana ni awoova ollupella.

Masalimo 34:19

Athu oolungama ennoona ddoohoosa ddinchichi, koma Apwiya ennaavullusa mu ddittheddene.

Yobu 27:14

Anaaye yaateve mwawiidde, attheene enaamalle ni nsupada, edduullu ddaye ddineerorama yoocha.

Yobu 23:2

“Ollellottho kinnakhupanya moomuvoriiha murima Mulluku, naari kiipullellaka annavirellellave okillaka.

Yobu 16:14

Anakhallella okiphoriiha wiilliwiilli, anallipana ni miyaano wonanko akhoto.

Yobu 8:4

Apaalle anaawo yaamuchimwella Mulluku sika ahaallaka ekaamba ya machimwiiwaayo.

2 Samuele 13:28

Vano Abishalomu ahaalamula allupa muttekwaaye wi emuweheseseke Aminoni enthawi eyo anaalezeleeye ni vinyo. Kuulleellani wi, “Mwiipheni, mumwiiphe muhoove vawi tti miyaano kuulleelleni wi mweere yeeyo. Mullipe murima nave mukhalle wonanko allopwana.”

Yobu 1:17

Ahinamallihe ollota, amithenga mmodda aaphiyattho ni mawu awi, “Milloko miraru dda Akaldeya ddaaphiya nave ddinaakha ekamira ddittheddene ni owiipha allupa mutteko attheene. Nave meekhave sika kivulluwalle wi kuulleelleni.”

Yobu 1:19

Moorurumusa ephevo yawoopiha yaawa ovenyera o echipululu yoopella embali ddittheddene ddisese dda enyumba mwawi yookumuwa nave yohaaphitteera anamwanaayo. Attheene ahiiphiwa nave meekhave sika kivulluwalle wi kuulleelleni.”