Yobu 1:12 - Mawu a Mulluku

¹² Apwiya yaamwaakhulla Satana wi, “Eyaa, vano ddittheddene Yobu ariiyena kooddihiya m'mattani mwawo koma ohimuttannye olliye.” Sika Satana aavenyavo vamiitthoni va Apwiya.

Yobu 1:12 ပူးပေါင်းရင်းမြစ်များ

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

Yohane 19:11

Yesu ahaakhulla wi, “Khamwaakhallena olamulello va miyaano mwahivahiweke ni Mulluku. Sika muthu oyo akivelleelle wa nyuwaano ookhalla ni machimo muullupalli ohiyana ni nyuwaano.”

Yesaya 27:8

Apwiya yahaallaka voowiikarihani ni waarumiha wuukaporoni. Yahaaviddeellella ni ephevwiiwa yawoopiha yoovenyera wookhuma nndduwa.

Yeremiya 38:5

Mwene Zedekiya ahaakhulla wi, “Tti oollathi ari m'mattani mwanyu, miyaano nginna ello yawuuvaanyihani.”

1 Mamwene 22:23

“Nave Apwiya aahiya munepa wawoottha mwa anamallotellaanyu attheene wi yoottheke koma Apwiya aallotella wi otulli oneerewuumorellani.”

Genesis 16:6

Abramu ahaakhulla wi, “Olliyoolla tti kaporwaawo nave ari m'mattani mwawo sika ttuumweerella erive ello eyo onapaalleewe.” Sika Sarai ahaamba omuhoosa Hagara, ophiyera Hagarooyo aathawa.

Masalimo 76:10

Ddawoona, osha murima wa athu oneerewuuriihani, oovulluwa o osha murimanko muneerewaasunga vakhuviru ni nyuwaano.

Yobu 1:11

Koma mwahiya omuteteza nave mwamwaakha ddittheddene ariiyena, moohikayikella aneerewuullotellani epewe vamiitthoni vanyu.”

Yobu 1:13

Nllapo nimodda anamwani aallopwana ni aatthiyana a Yobu yaarina ocha ni omuwirya vinyo mpa mwa muullupalliiwa.

1 Mamwene 22:22

Vano Apwiya yaawukoha wi, “Onaamulleke mwawiidde?” Munepooyo waawaakhulla wi, “Kinaya kalloteke ddawoottha oyeella mwa anamallotellaaye attheene.” Sika Apwiya yaallota wi, “Weera ddiiddo, oneeropambana. Khawe wamulleke.”

2 Epilli 18:21

Munepooyo waawaakhulla wi, ‘Kinaya kalloteke ddawoottha oyeella mwa anamallotellaaye attheene.’ Sika Apwiya yaallota wi, ‘Weera ddiiddo, oneeropambana. Khawe wamulleke.’

Luka 12:23

Vawi okumi onnakhwaranya yoocha. Navettho mwiilli onnakhwaranya yoowara.