Yesaya 9:9 - Mawu a Mulluku

⁹ Athu attheene ookhalla mu Efuremu ni mu Samariya eneerewiiwa ddoothwarellella dda mawu yaalla. Vawi alliwa ennallota mookota ni mwawiitukhulla wi,

Yesaya 9:9 ပူးပေါင်းရင်းမြစ်များ

Yesaya 46:12

Nyu athu awumma mirima, kiiwellelleni, nyu oorekamellana ni ovullusa.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Malaki 3:13

Apwiya enallota wi, “Mookivaanyiha wunchichi miyaano. Koma munakoha wi, ‘Ethiyo nuuvaanyihalleni tini?’

Ezekiele 33:33

Koma nnddo ollotilleewe ddeereya vawi ddineereweereya, eneerodduwella wi variyari viwa vaakhalla namallotella.”

Ezekiele 30:19

Mmu sika kinaamullakelleemi Iguputo nave aneerodduwella wi mi tti Apwiya.”

Ezekiele 7:27

Mwene aneerewinlla nave enduna ddaye ddineerewoova. Matta a athu a mwiillaponimmo eneerofooka ekaamba yawoova. Kineerewaallaka moollikana ni machimwiiwa, kineeroweeruza moollikana ni mmo alliwa yaweeruzelliiwa akhwiiwa. Sika eneerodduwella wi mi tti Apwiya.”

Ezekiele 7:9

Ngiweerellani echifundo apaalle wuumorellani ethakaraka. Kineerewuullakani ekaamba ya ddaweera ddanyu navettho ekaamba ya ddoonanara nnddo ddiri va nyuwaano. Vano muneerodduwella wi mi tti Apwiya ayo enuullakani.’ ”

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Yesaya 48:4

Kaadduwella wi weyaano tti awumma murima, awummiha nikohi wonanko mukoko.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Miyambo 16:18

Okota onnahoollella woonongeya nave wiitukhulla onnawiiha omora.

1 Mamwene 22:25

Mikaya ahaakhulla wi, “Oneerodduwella va nllapo nno onaayeewe wiipitthe mu echipinda yamuwari.”

Yesaya 7:2

Nibanja na Davide niiwalle wi ellapo ya Siriya yohiiwanana ni ya Efuremu, mwene ni athwaaye yaatthukumella wonanko miteekho dda muutthakoni ddinatikhiwa ni ephevo.

Yesaya 9:8

Apwiya aarumiha mawu oomuhumullulla Yakobo nave emorenlle va Israele.

Yesaya 28:1

Otulli wa omwene wawiitukhulla wa oolezela a o Efuremu! Otulli wa oriiheya wiwa nko onanyaalla wonanko malluwa, muzinda wa o ntapo na ethaya yaphaama wookotelliwa ni oomulezela vinyo.

Yesaya 28:3

Okota wa oohoollella oolezela a o Efuremu oneeronyingallelliwa moohihiyerera.

Hoseya 8:14

“Aisraele ahiimakella enyumba dduullupalli omutiwalla owaaphatusiiwa. Ayuda ahoonjerera mizinda ddampanda. Koma miyaano kineerewoosa mizindannddo nave munllooyo oneerohella enyumba ddiwa dduullupallinnddo.”

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’