Yesaya 9:3 - Mawu a Mulluku

³ Nyu Apwiya, mohaatiha mutundwaanyu, mohoonjerera ohakallalla wa athwaanyu. Alliwa ennahakallalla vamiitthoni vanyu wonanko mmo athu enahakallallelliiwa voohatani, mmo enahakallallelliiwa vookawanani ddawaakha.

Yesaya 9:3 ပူးပေါင်းရင်းမြစ်များ

Masalimo 119:162

Kinnahakallalla ni mawaanyu wonanko muthu aakhille ddinchichi.

1 Petro 1:8

Munnamukonda naari muhimonne nave munnakhulupilila mwa yooyo naari vano muhimonne. Sika munnahakallalla wuullupalli ni murimaanyu muttheene,

Yesaya 26:15

Koma nyu Apwiya, mohoonjerera mutundwaahu, ddawoona, moowunnuwiha. Mohoonjerera ellapwaahu, mohaakhellavo ntitimiho mohunnuwiha malire mattheene.

Yesaya 66:10

Hakallallani ni Yerusalemu, muthapelle ekaamba ya olliye, nyu attheene ookonda muzindoolla. Nyu attheene muninllella muzindoolla, hakallallani ni olliye moothapella.

Yesaya 65:18

Koma nyu khallani oohakallalla ni oothapella wa enthawi yoohimalla ekaamba ya nnddo kinaddiphatuseemi. Vawi ngoonani, kinamuphatusa Yerusalemu anaanweene ooddalla ni othapella nave athwaaye enaakhalle oohakallalla.

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

1 Samuele 30:16

Nave olliye aamuvelleella Davide wa alliwaayo. Enthawi yeeyo Aamaleke yaari epallalleyelle virive veko. Yaari echaka, ewiryaka ni yiinaka ekaamba ya nnddo yaakhilliiwa mu ellapo ya Afilisti ni ellapo ya Ayuda.

Luka 11:22

Koma wawa muthu amasiva oomukhwaranya amugonjiha, annamwaakha ezida aroromelleeyennddo nave akawakawa ddeko aakhilleeyennddo.

Masalimo 4:7

Koma ohakallalla nko mukivahilleenyu m'murimani mwaka, wohaakhwaranya ayo eri ni ddoocha ni ddoowirya ddinchichi.

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Zekariya 10:8

“Kineerewiipa mutturu wi athwaaka etthukumane vamodda. Kineerowoopolla nave eneerewaata wonanko mmo yakhallelliiwa khalle.

Zekariya 8:23

Va mallapo yaayo athu khumi oovenyera o mitundu dda athu ddoohiyanahiyana eneeromuwanddeellella Muyuda ni ollota wi, ‘Nithaananena kaambiiwa nohiiwa wi Mulluku ari ni nyuwaano.’ ”

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Hoseya 4:7

Mmo allupa mukutho yaatelliiwa tti mmottho yattepelliiwa ochimwa. Kineerotthattusa oriiheya wiwa wi okhalle owulliwa muru.

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yesaya 61:7

Owulliwa muru ni onyaambusiwa wanyu ddineeromalla, muneerohakallalla ni echigawaanyu. Ellapwaanyu eneerewoonjereriwa, muneerothapella wa enthawi yoohimalla.

Yesaya 55:12

Nyu athwaaka, Muneerovenyawo o Babiloni moohakallalla, eneerewuukhumihani m'muzindanimmo mwamurendelle. Miyaango ni asimiyaango ddineerowiipellani nchipo, miteekho ddamuhakani ddittheddene ddineerowoopellani m'mattani.

Yesaya 54:1

Apwiya enallota wi, We mutthiyana oohiyara, ipa moohakallalla, we ohinooneke ovoreya wa oyara, khuwa ni woopa ellullu. Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.

Yesaya 35:2

Eneerokhalla ni malluwa manchichi, eneerohakallallattho ni wiipa. Eneerovahiwa oriiheya wonanko wa miyaango dda Lebanoni, eneerewooneya mooreera wonanko miyaango dda Karimele ni Sharoni. Arive muthu aneerewoona ntitimiho na Apwiya, ni ottekweene wa Mullukwaahu.

Yesaya 25:9

Nllapo nenno arive muthu aneerollota wi, “Olla sika Mullukwaahu! Naamuroromella wi aneeronivullusa vawi olliye tti Apwiya. Naamuroromella vano hankoni nihakallalle ni othapella ekaamba yawi oonivullusa.”

Yesaya 12:1

Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

Masalimo 107:38

Ekaamba ya madaliso a Apwiya, athwaayo yahaata wunchichi, eziweto ddiwa kheddaayeville.

Nehemiya 9:23

Nave mwahaatiha edduullu ddiwa wonanko etheneeri ddooddullu ni waavollochiha mu ellapo eyo mwaalonjezilleenyu makhollwiiwa wi ekhalle yayiwayayiwa.

Oweeruza 5:3

Apellani maaru, nyu mamwene, iwani, nyu oolamulella. Kineerowiipella Apwiya nchipo naphaama, kineerowiipella Apwiya Mulluku a Israele.

Mitteko 8:8

Vano mwaakhalla ehakallallo yinchichi m'muzindanimmo.

Yobu 12:23

Annunnuwiha mitundu dda athu, annawaatiha malloko nave annaapallallesattho.

Yesaya 65:14

Oorumeyellaaka eneerewiipa moohakallalla koma nyuwaano muneerewinlla wunchichi ekaamba yovoreyiwa murima. Muneerewinlla mookhuwa ekaamba ya yookatamihiwa m'murimani.

Levitiko 26:13

Mi tti Apwiya Mullukwaanyu oyo uukhumihalleni mu ellapo ya Iguputo wi muhikhalle akaporwiiwa. Koopwesa nigoli* nanyu wi mweeteke mwawookowa.”

Oweeruza 7:22

Akhoto 300 a Agidiyonaalle yiipalle mapallapata, Apwiya yaaweeriha Amidiyanaalle wi ewaneke anayaayove. Attheenaalle yahaapheella miru wawi yawana anayaayove. Akhotwaayo yaathawa yaphiya o Beteshita Zerera, ophiyera omalireni a etawoni ya Abele Mehola vakhuviru ni Tabati.

Oweeruza 8:12

Zeba ni Zalimuna yaathawa koma Gideoni aawiikariha aaphara mamwene meelli a Amidiyanaayo aasimelliha akhotwiiwa attheene.

Yesaya 10:26

Mi Apwiya Amasiva Mattheene kineerewaawashulla wonanko mmo kaawashullelleemi Amidiyani o nlluku na Orebu. Kineerewaatukhullella ekopwaaka wonanko mmo kaallakelleemi Aiguputo va enyanja valle.

Yesaya 14:5

Apwiya aakotholla muwashullo wa athu oonanara, ahinttaka ekopo yoomwene ya oolamulella.