Yesaya 7:4 - Mawu a Mulluku

⁴ Wamulleelle wi achenjere, akhurumuwe, ahoove nave murimaaye ohifooke ekaamba ya owalli wa osha murima wa Rezini ni ellapwaaye ya Siriya ni wa Peka mwaana a Remaliya. Alliwa tti wonanko mwiisi woothuwa shisha.

Yesaya 7:4 ပူးပေါင်းရင်းမြစ်များ

Yesaya 35:4

Mwaalleelle a murima wawoova wi, “Llipani murima, muhoove! Ngoonani, Mullukwaanyu animawa wi aahokolloselle ni waallaka adanaanyu, animawa wi uuvulluseni.”

Maliro 3:26

Tti waphaama waatiyerella Apwiya moovillella wi yoonihe ovullusa wiwa.

Yesaya 30:15

Sika Apwiya Mulluku, Aweella a Israele yaallota wi, “Orukunuwa murima ni ohokollowa ddinaakhalle ovullusa wanyu. Okhurumuwa murima ni ororomelleya sika ddinaakhalle masivaanyu.” Koma mwaakhoota weera ddennddo.

Deuteronomo 20:3

‘Ngiiwani nyu Aisraele! Ollello munaya mwawane ni adanaanyu. Muhitathille murima nave muhiwoove apaalle waatthukumellella.

Mateyu 24:6

Nyuwaano muneerewiiwa dda ekhoto ni epilli ya ekhoto. Muhinahoowa m'murimani mwanyu vawi tti ddoophwanella wi ddeereye koma emallihello khenaphiye.

Zekariya 3:2

Mungelo a Apwiya aamulleella Satana wi, “We Satana, ddawoona, Apwiya yuuhumullulle! Apwiya ayo yamutthoollille Yerusalemu yuuhumullullesese. Ethiyo muthu khari wonanko ekhuni yoothumulliwa viikho?”

2 Epilli 20:17

Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Yesaya 30:7

Nikavihero na Iguputo tti etthiruve nave khaninna mutteko. Sika ellapweeyo kooyivaha nnddina nawi, ‘Rahabu, ookhulliwa miino.’ ”

Yesaya 10:24

Ekaamba ya yeella, Apwiya Mulluku Amasiva Mattheene enallota wi, “Nyu athwaaka a o Ziyoni, muhiwoove Aasiriya yawuuhoosakani ni ekopo ni owuukuthani ni ekoonda ddiwa wonanko yeerella Aiguputo.

Yesaya 8:4

Vawi mwaanooyo ahinaambe wiithana wi ‘Attiitthi’ apaalle wi ‘Amoowe’ eyuuma ya Damasiko ni ddawaakha dda Samariya ddineerokusiwa ni mwene a o Asiriya.”

Yesaya 7:8

Vallethi ellapo ya Siriya enaroromella muzindiiwa muullupalli wa Damasiko nave Damasiko anamuroromella mwenaaye. Koma ddihinamalle miyakha 65, Efuremu aneerotthollosiwa, khakhallattho mutundu wa athu.

1 Samuele 17:32

Vano Davide aamulleella Saulo wi, “Athu ehimukhupanyeke Mufilistoolla, miyaano kineerooya kawanena.”

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Yesaya 7:1

Enthawi eyo Ahazi mwaana a Yotamu, edduullu ya Uziya, aariiye mwene a o Yuda, Rezini mwene a o Siriya ni Peka mwaana a Remaliya, mwene a o Israele, yaawa o Yerusalemu wi ehelle ekhoto muzindooyo koma kheyaawugonjihalle.

Yesaya 7:9

Ellapo ya Efuremu enaroromella muzindiiwa muullupalli wa Samariya nave Samariya anamuroromella mwenaaye Peka. Mwaahillipa mu echikhulupililwaanyu, khamukeraattheya.”

Yesaya 37:6

aallota wi, “Khaweni mwamulleelle pwiinyu mawu a Apwiya awi, ‘Ohinatathilla murima ekaamba ya mawu oovevulla a oorumeyella a mwene a o Asiriya.

2 Mamwene 15:27

M'muyakha wa 52 wa omwene wa Azariya mwene a o Yuda, Peka mwaana a Remaliya aavollowa omwene wa o Israele o Samariya nave aalamulella miyakha 20.

Yesaya 8:6

“Athu a ellapweella aakhoota maaddaaka o Shilowamu aweeta moomaalleya nave enaahakallallella mwene Rezini ni mwaana a Remaliya.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.