Yesaya 66:3 - Mawu a Mulluku

³ “Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Yesaya 66:3 ပူးပေါင်းရင်းမြစ်များ

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Yesaya 66:17

Apwiya enallota wi, “Ayo eniipatulla ni oddeelliha weekhiiwa vooyaani o emata ddiwa ddoopatuleya nimodda ni oohoollelliiwa, ennacha enama yeekumba, emete ni ddooripiha ddimodda, attheenaalla enaamallelle nimodda.

Yesaya 65:12

attheenenyu kineerowiiphani okhotoni. Ddawoona, attheenenyu muneerewiiphiwa kaambiiwa khamwaakhunlle kawiithaneemini nave khamwiiwalle kalloteemi koma mwaheera ddoonanara vamiitthoni vaka. Nave mwaatthoolla nnddo kihinapaalleemi ohiri ohakallalla ni ddaphaama.

Levitiko 2:2

nave aweena wa anamwani a Aroni. Mmodda a alliwaayo avahulle nnatta nimodda na othu woottakanyihera ni makhura nave amukusettho lubanaaye muttheene. Vano mullupa mukutho ashellellihe ddennddo vanikuwani, wooniha wi mukutho muttheenooyo woovelleelliwa wa Apwiya, wawoosiwa viikho, wa nthuko nawaaddivella Apwiya.

Miyambo 21:27

Mukutho wa athu oonanara onnaananara Apwiya, ottepesesa avelleella ni yoolinga yoonanara.

Deuteronomo 23:18

Makobiri mattheene oophwanyeya mu ettilla ya ohule waweereya ni mullopwana apaalle mutthiyana, muhiweekena o enyumba ya Apwiya Mullukwaanyu wi mukwakhwanihe malonjezwaanyu. Apwiya Mullukwaanyu enniitanana ddenndda.

Deuteronomo 14:8

Nave ekumba tti yooripihiwa wa nyuwaano kaambiiwa naari akokotokwiiwa eri ookawaneya khenajikulla. Muhicheke enama ddenndda nave muhiddittannyeke ddakhwa.

Oweeruza 10:14

Khaweni mwinllelleke milluku nnddo mudditthoonlleenyu wi dduuvulluseni va enthawi ya ddookatamiha ddanyu.”

Yesaya 57:17

Kaasha murima ekaamba ya osilila wiwa woonanara nave kahaallaka ni waareya etulli komave yaavirellella ohiiwellella ni wummiha murima ni othwara ettilla ddiwa.

Oweeruza 5:8

Athu yatthoonlliiwa milluku ddimodda, ekhoto yaaphiya mwiillaponi. Mwa athu 40,000 mu Israele, ttaani atukhullalle yoomuteteza apaalle nivaka?

Yesaya 44:19

Khaavo anaganiza phaama, khaavo eezeru apaalle awiiwesesa oowora oollota wi, “Embali emodda ya muteekho kaayootha, va mankhalliiwa kaamwaapeyavo buledi nave kahoosavo enama kicha. Vano embali yoohalleella kaapangella ello yoonanara. Ethiyo mi killapelleke muteekho?”

Yesaya 65:2

Nllapo nittheene kaawaakhella ni mattaaka mattheene mutundu olla woohiiwellella ni woowukila, waweera ddoonanara voothwarani ettilla ddiwa ni ddoopaalla ddiwa.

Yeremiya 6:20

Ethiyo kinaaphurevo tini yawaana lubani* noovenyera o Sheba apaalle ddawunkhella ddimodda ddoovenyera o ellapo ddawoorekama? Ngiwa kaakhella mikutho ddiwa ddooshellelliha apaalle ohakallallana ddoovelleella ddiwa.

Oweeruza 21:25

Mallapo yaayo khamwaari mwene mu Israele. Arive muthu eera nnddo ddamuddivella yeekha.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Hagai 2:14

Hagai aallota wi, “Nnddo enallota Apwiya tti ddawi, ‘Tti emoddamoddavettho yeeyo ni athu yaalla, mutundu yoolla vamiitthoni vaka. Ddittheddene eneeriiwa ni nnddo enavelleelliiwa mukutho tti ddooripihiwa.’ ”