Yesaya 66:2 - Mawu a Mulluku

² Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Yesaya 66:2 ပူးပေါင်းရင်းမြစ်များ

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Masalimo 34:18

Apwiya ennakhalla vakhuviru ni athu ookukhumuwa, ennaavullusa athu ootathilla murima.

Masalimo 51:17

Mukutho oyo munahakallalleenyuna tti murima wawiiyeviha, murima wa ethakaraka ni woorukunuwa, nyu Mulluku khamuwuvevulla.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Miyambo 28:14

Oodalisiwa tti oyo anavirellella owoova Apwiya koma awummiha murimaaye aneeromorella mu ddookatamiha.

Masalimo 138:6

Naari Apwiya tti avaddullu ennaapwatha athu oovevuwa, ennaadduwella athu awiitukhulla eri vuutete.

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Ezara 10:3

Vano hankoni nikeraatthihe echipangano Mullukwaahu wi nimwallanena atthiyanaalla vamodda ni aniiwa moollikana ni malangizo a nyu apwiyaaka ni a athu ayo eniiwellella malamulo a Mullukwaahu. Nave akhullellani wi ddenndda ddeereye moollikana ni malamulo.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Masalimo 119:161

Oolamulella ennakihoosa vihiri ekaamba koma murimaaka onnoova mawaanyu.

Ezara 9:4

Vano attheene yatthukumella ni mawu a Mulluku a Israele ekaamba ya ohiroromelleya wa athu oohokollowa wuukaporonaalle, yaatthukumana mookaapheella miyaano kikeraatthille mootathilla murima ophiyera enthawi ya mukutho wa misikuwa.

Yesaya 40:26

Tukhullellani miitthwaanyu muwehe muddullu! Ethiyo ttaani aphatusalle etheneeri munooneenyunndda? Olliye sika anaddihoollella wonanko mulloko wakhoto, erive etheneeri annayiithana nnddina niwa. Vawi ekophollo ni masivaaye tti dduullupalli, kheyiivo naari emodda enaramavo.”

Akolose 1:17

Khrisitu aakhallawo ddeko ddittheddene ddihinakhallewo nave ddeko ddittheddene ddoomakellelliwa vamodda mu eyaattano ni olliyooyo.

Mitteko 9:6

“Koma venya wi wavollowe m'muzindanimmo nave eneerewuulleella yoophwanella wi weere.”

Mateyu 12:6

Vano kinimuulleellani wi vookhalla mmodda vaava muullupalli ohiyana ni enyumba ya Mulluku.

Mitteko 7:50

Ngihiyo miyaano meekha kaphatusalle ddeko ddittheddenenndda?’ ”

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Hoseya 11:10

“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

1 Mamwene 21:29

“Ethiyo wohoona mmo Ahabu iiyevihelleeye vamiitthoni vaka? Vawi ohiiyeviha vamiitthoni vaka, ngiwa kimullaka ni ddittheddenenndde ari mukumi koma kinaallake nibanja naye mu olamulello wa mwanaye.”

2 Mamwene 22:10

Sika olliye aamulleella mwene wi, “Mullupa mukutho Hilikiya ookinnyera nibukhu.” Nave Shafani aaneerenga nibukhunno vamiitthoni va amwene.

2 Mamwene 22:11

Mwene iiwalle mawu a mu nibukhu na malamulo, ahaahulla ddoowara ddaye mweethakaraka.

Masalimo 51:19

Vano muneerohakallalla ni mikutho ddoophwanella, mikutho ddawoosa ni ddooshellelliha. Sika eneerovelleella anankhoro a eng'ombe vanikuwani.

Yesaya 41:20

Sika athu eneerewoona ni odduwella, eneerodduwellesesa ni wiiwesesa wi mi Apwiya sika kenre ddenndda, wi Aweella a Israele sika addikeraatthihalle.