Yesaya 57:3 - Mawu a Mulluku

³ Waani wuno nyu athu oochimwa vawi muri wonanko edduullu dda amasenga, ooraruwa ni oohule.

Yesaya 57:3 ပူးပေါင်းရင်းမြစ်များ

Mateyu 16:4

Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yonave.” Vano ahaahiya avenyavo.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Luka 3:7

Athu anchichi yaawa wa Yohane wi aabatize. Nave aallota wi, “Nyu enowa! Ttaani uulleelleni wi muthawe ollaka wa Mulluku onawanko?

Mateyu 23:33

“Nyu enowa nave anamwani a enowa! Munaathawe mwawiidde ollaka waye wa gehena?

Mateyu 12:34

Nyu enowa! Munaawore mwawiidde ollota ddaphaama muri oonanara? Vawi eyano enallota nnddo ddiddanlle m'murimani.

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”

Yesaya 45:20

Apwiya enallota wi, “Tthukumanani vamodda nave muwe. Nyu attheene mwavulluwalle wa athu a mitundu ddimodda, susellani vakhuviru. Khenna ezeru athu ayo enatukhulla mafano amiteekho, enavekella wa milluku ddoohivullusa.

Yesaya 1:21

Ngoonani muzinda olle khalle waari woororomelleya ni woolungama koma vano oneera ddooraruwa. Muzinda olle khalle waari ni athu oolungama koma vano wooddalla ni athu oowiipha akhwiiwa.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Yesaya 1:4

We ootulli, mutundu wa athu oochimwa, athu oollemelliwa ni ddoonanara. Muyariwe ovenyera wa athu aweera ddoonanara, anamwani ookeraattheya mu ddoonanara. Mohaahiya Apwiya, moomuvevulla Aweella a Israele, moomureya etulli.

Yesaya 48:16

Vano Waani vakhuviru, iwani nnddo kineereemi killote. Ovenyera vawaamba ngaallotille vaweella, enthawi eyo ddennddo ddeereyiiwa, miyaano sika kiri vaavo.” Sika vano Apwiya Mulluku Amasiva Mattheene aakiruma moohoollelliwa ni munepiiwa.

Yesaya 57:7

Va orive mwaango ni mwanamwaango munnamuhiyavo bedi ooraruwellavo, wenko munnavelleellawottho mukutho.

Yesaya 58:2

Ennakaashaasha nllapo ni nllapo voopaallani wi edduwelle ettilla ddaka. Wonanko mutundu waweera ddoolungama oohihiya malangizo a Mullukwiiwa, alliwa ennakiveka malangizo oolungama nave ennahakallalla okaatamella miyaano Mullukwiiwa.”

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yeremiya 3:6

Va enthawi ya mwene wa Yosiya, Apwiya yaakilleella wi, “Ethiyo wohoona nnddo eerille Israele oohiroromelleya? Oowella orive mwaango ni vatthi va orive muteekho woovattha nave ooraruwa.

Yeremiya 3:9

Oraruwa wa Israele waari woowulliha muru vawi aaripiha ellapo. Aararuwa voollapellani mafano amalluku ni amiteekho.

Hoseya 2:4

Anaaye attheene ngaamoriwella ethakaraka ekaamba yawi tti ooyariwa mooraruwa.

Hoseya 2:6

Sika ekaamba ya yeella kineeroyiwalla ettillaaye ni miiwa. Kineeromwaapheella ni esiri wi ahoone musewu.