Yesaya 57:2 - Mawu a Mulluku

² Nave ennakhwa mwamurendelle vawi oolungama enniithuuwa phaama yakhwa.

Yesaya 57:2 ပူးပေါင်းရင်းမြစ်များ

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”

2 Akorinto 5:1

Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

Luka 2:29

“Apwiya, mookwakhwaniha mawaanyu, Vano mwaakhullelle wi mi oorumeyellaanyu kikhwe ni murendelle.

Yobu 3:17

Wenko oonanara khenakatamiha, ootopa enniithuuwa.

2 Akorinto 5:8

Ninnallipa murima wunchichi koma Waaweerokhalla phaama okhumamo m'mwiillini mwahummu ni okhalla owaani ni Apwiya.

Luka 7:50

Nave Yesu aallota wa mutthiyanooyo wi, “Echikhulupilwaawo yohuuvullusa, rowa ni murendelle.”

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

2 Epilli 16:14

Yamuvitthalle m'mahame ayo iisemelleeye mu muzinda wa Davide. Mutembwaaye yawukonaatthihalle mu nibokosi mmo mwaari ddawunkhella ddoohiyanahiyana nnddo ddapangiwe ni athu eeruso. Vano yaaviddeella munllo wawoopiha omuvaha olemu.

Luka 16:22

“Muthu oohoowooyo aakhwa nave angelo yaawa emutukhulla yamukeraatthiha vaari Abrahamu vamachellelloni ooddullu. Nayeenettho muthu a eyuumoolle aakhwa avitthiwa.

Ezekiele 32:25

Elamooyo aamupangella mapuro awi akonaatthivo vamodda ni mullokwaaye wakhoto omwaaphenlle. Attheenaayo tti oohiphaddiwa, awiiphiwa okhotoni, ayo khalle yoopiha mu ellapo ya ookumi vano enawulliwa muru vamodda ni ayo eri mu ellapo ya ookhwa vamodda ni athu awiiphiwa.

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Yesaya 26:7

Nyu Apwiya, munnallima musewu wa oolungama, munnookolla ettilla ya ooreera murima.

Yesaya 14:18

Mamwene mattheene a mitundu dda athu enakona mooriiheya, arive muthu mu mahame aayeaaye.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Masalimo 37:37

Ngoona, muthu oohilakwa nave oolungama, amurendelle ookhalla ni edduullu ddinchichi.

Daniele 12:13

Koma we Daniele ollipihelle ettillaawo ophiyera mamallihello. Sika oneerokhwa koma oneerovenya wi waakhelle yoothuviwaawo va nllapo noomalliha.”

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”