Yesaya 5:2 - Mawu a Mulluku

² Aayillima phaama, avenyihamo malluku, aallamo mpesa ddaphaama wunchichi. Aamaka nttattha variyari va emateeyo, aasema moovotellamo mpesa muwarimmo. Aatiyerella wi emateeyo yimme mpesa waphaama koma wimmalle mpesa woonanara.

Yesaya 5:2 ပူးပေါင်းရင်းမြစ်များ

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

1 Akorinto 9:7

Ookhallavo akhoto aniillivella yeekhaaye? Ookhallavo oollima ahinacha mpesa woovenyera m'matani mwaye? Ookhallavo mbusa ahinawirya mukaka wa enkhosa ddaye?

Mariko 11:13

Ari voorekama ahoona muteekho wanamukuyu ori ni makukhu, sika aaya wi oone eeki amuphwanyemo namukuyu. Koma aphiyalleeye, aphwanyille makukhuve vawi kheyaari enthawi yawi namukuyooyo aawerowiima.

Aroma 9:4

Alliwaalla tti a Aisraele, aaweera anaaye nave ahuupullulla ntitimiho naye wa alliwa. Ahaavaha echipangano, malamulo, ollapella wawoona ni malonjezo.

Mariko 12:2

Yakwakhwanilliiwa enthawi yootthukumaniha ezipaso ddampesooyo, aamuruma mullupa muttekwaaye wa oollimaayo wi aakhelle ezipaso dda m'matanimmo.

Mateyu 21:34

Yakwakhwanilliiwa enthawi yootthukumaniha ezipaso ddampesooyo, ahaarumiha allupa muttekwaaye wa oollimaayo wi yaakhelle ezipaso dda m'matanimmo.

Mateyu 21:19

Ahoona muteekho wanamukuyu mukhwipi mwa musewu aya vaavo koma khaaphwanyillevo ezipaso koma makukhuve. Vano aallota wa muteekhooyo wi, “Khawimmattho ezipaso mallapo mattheene!” Enthawi yeeyo muteekho wanamukuyooyo wahumma.

Mika 4:8

Vano we Ziyoni, nttattha nooteteza enkhosa ddaka, mwaango wa athwaaka, omwenaawo wakhalle oneerohokollowa, omwene wa mwaana aamutthiyana a Yerusalemu.

Hoseya 10:1

Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.

Yesaya 5:7

Israele sika emata yampesa ya Apwiya Amasiva Mattheene Yuda sika mpesaaye woohakallalliha. Apwiya yaatiyerella ddaphaama koma yoonille wiiphanana. Alliwa yaatiyerella echilungamo koma yiiwalle winlla wa oohoosiwa.”

Yesaya 1:8

Mwaana aamutthiyana Ziyoni ahanlle yeekha wonanko musasa wa oowehera emata yampesa, wonanko musasa mu emata yamihawa, wonankottho muzinda wowaapheelliwa ni ekhoto.

Nehemiya 13:15

Enthawi yeeyo kaawoona athu mu Yuda empangaka vinyo nllapo na Sabata. Amodda yaanakusa vinyo, mpesa, namukuyu navettho katundu oohiyanahiyana enaareya abulu oyaana o Yerusalemu va nllapo na Sabata. Vano kahaachenjeza wi ehikulliheke erive ello va nllapo na Sabata.

Oweeruza 16:4

Vatulli viwa Samisoni ahaamba omukonda mutthiyana mmodda nnddina naye Delila a mu ntapo na Soreki.

Deuteronomo 32:6

Ethiyo ttuuwaahokollosella ddawi ddiidda Apwiya, nyu athu ookarangeya ni ohikhalla ni ezeru? Ethiyo alliwa khe attiitthaanyu ayo yuuphatusalleni, ayo yuupangilleni ni wuukeraatthihani?”

Numeri 23:9

Kinawoona ovenyera vaddullu va miyaango, Kinaweha ovenyera va asimiyaango. Alliwa tti athu ookhalla vaweekhiiwa, oohiddeerengelle ni athu a mitundu ddimodda.

Eksodo 33:16

Ethiyo ddinaadduwanyeye mwawiidde wi mookeerella echifundo ni athwaanyu mwaahithaanana ni hiyaano? Mwathaanana ni hiyaano ddineeronihiyaniha ni athu amodda attheene a va ellapo yavatthi.”

Mateyu 21:33

Yesu aallota wi, “Iwani niphwanaphwaniho nimodda. Waakhalla mwaneena a emata aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Mariko 12:1

Vano Yesu ahaamba ollota m'maphwanaphwanihoni wi, “Waakhalla muthu mmodda aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

2 Samuele 7:10

Nave kineerewaatthoollella nipuro athwaaka Aisraele nave kineerewaakeraatthiha wenko wi ekhalle ni nipuro nayiwanayiwa wi ehihoowekettho. Nave athu oohilungama khewa yaahoosattho wonanko khalle

Masalimo 80:8

Mwaakhumiha mpesaanyu Israele mu ellapo ya Iguputo, mwahiikariha mitundu ddimodda dda athu wi mwaalle mpesooyo.

Masalimo 80:9

Mwaawullimella emata mpesooyo omella misisi ddoowallamella, oddalla mu ellapweeyo.

Yeremiya 11:17

“Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”