Yesaya 41:2 - Mawu a Mulluku

² Ethiyo ttaani amuwiillena oogonjihoolle oovenyera wookhuma nndduwa, olle opambana orive weko anayeeyewo. Ethiyo ttaani anamukavihera wi aapambaneke athu a mitundu ddimodda ni waagonjiha mamwene? Nsupada naye ninnatthattusa athu okhalla nthupi, muuraaye onnaamwara wonanko mallulla.

Yesaya 41:2 ပူးပေါင်းရင်းမြစ်များ

Yesaya 45:1

Apwiya enallota ni oozoziwiiwa* Kirusi oyo yamphareelliwa onnattanatta wi agonjihe mitundu ddimodda dda athu, aamallihe masiva mamwene ni ohulla machiwi wi millako ddihiwalleye wi,

2 Samuele 22:43

Kahaasillasilla wonanko nthupi noovava ni ephevo, kahaavota wonanko matokwi a m'musewuni.

Yesaya 46:11

Kiniithana mpungu ovenyera wookhuma nndduwa, sika wi muthu oovenyera o ellapo yawoorekama oyo anaakwakhwanihelle nnddo kinapaalleemi weera. Nnddo killotilleemi kineeroddikwakhwanihella, nnddo kisimikizalleemi kineeroddeera.

Yesaya 41:25

Koomuvenyiha muthu mmodda ompoto nave olliye, muthooyo anavenyera wookhuma nndduwa, olliye anniithana nnddina naka. Annaavota oolamulella wonanko matokwi, wonanko awoopa epalli anavotelleeye olloko.

Yesaya 40:24

Alliwa tti wonanko mmiddo wawaalliwa wene, apaalle woomiddiwa wene wawaambella otthipella misisi. Apwiya yoopihellavo ephevo mmiddooyo onnumma, namangalle annawuvaviha wonanko mallulla.”

Ezara 1:2

“Nndda sika mwene Kirusi a o Persiya analloteeye wi Apwiya Mulluku a oddullu aakivaha moomwene mattheene a va ellapo yavatthi nave aakilamula wi kaamakellettho enyumba o Yerusalemu a o Yuda.

Yesaya 45:13

Mi sika kamuvenyihalle Kirusi wi echilungamo yooneye, kineerewookolla orive musewu onaavireewemo. Aneeromakattho muzindaaka wa Yerusalemu ni waattaphulla athwaaka ayo eri muukaporoni, oohivelleella makobiri apaalle ddamukaphwani. Mi Apwiya Mulluku koollota.”

2 Epilli 36:23

“Nndda sika mwene Kirusi a o Persiya analloteeye wi, ‘Apwiya Mulluku a oddullu aakivaha moomwene mattheene a va ellapo yavatthi nave aakilamula wi kaamakellettho enyumba o Yerusalemu a o Yuda. Sika nyu attheene muri ayiwayiwa, Mullukwaanyu akhalle ni nyuwaano.’ ”

Aheberi 7:1

Melkizedeki aari mwene a o Salemu navettho mullupa mukutho oomurumeyella Mulluku Muullupalli. Abrahamu aweeye ovenyera okhotoni nko aagonjihalleeye mamwene masese, aakumana ni Melkizedeki* nave Melkizedekooyo aamudalisa.

2 Mamwene 13:7

Enthawi yeeyo Yehowahazi khaarina mulloko wakhoto muullupalli. Aari ni akhoto 50 oowella va akavalo, magareta khumi ni akhoto 10,000 aweeta vatthi vawi mwene a o Siriya aari awoonongille khalle akhoto anchichi ni waatthattusa nthupi.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 11:31

Vano Tera aamukusa mwanaye Abramu ni edduullwaaye Loti, mwaana a Harani, vamoddattho mvokohaaye Sarai, mwaara Abramu. Aatimulla olendo ovenyera o Uri, o Babiloni oya o ellapo ya Kanani. Koma aaphiya o Harani, nko yakeraattheyeewawo.

Yawuupullulla 7:2

Nave kaamoona mungelo mmodda avenyeraka wookhuma nndduwa akusalle echidindo ya Mulluku Ookumi. Aakhuwa moowelliha mawaaye wa angelo asesaalle ayo yavahiwe masiva ni Mulluku wi yoononge ellapo yavatthi ni enyanja.

Yawuupullulla 16:12

Mungelo aneetthanu ni mmodda aahella embalaaye m'muhinjeni muullupalli wa Yufurate. Vano muhinjooyo wahumma waavaha ettilla mamwene oovenyera wookhuma nndduwa.

Yesaya 41:3

Annaathwara nngu eetaka moohikatamiha, muttillani mmo manyallwaaye khenanyingallekemo.

Yesaya 42:6

“Mi Apwiya koowiithana wi okeraatthihe echilungamo. Kohuuphara nnatta ni wuusunga, kohuutthoolla wi okhalle echipangano wa athu, okhalle owala wa athu a mitundu ddimodda.

Yesaya 48:15

Miyaano sika kallotille ni omwiithana, kimuwiillena tti miyaano, ddittheddene ddineeromweetella phaama.

Maliro 1:15

“Apwiya yahaanyaambusa amasiva attheene ayo yakhalla ni miyaano. Aatthukumaniha mulloko wa athu wi owoononge asombwaaka. Apwiya aamunyingallella mwaana aamutthiyana, Yuda, wonanko mmo mpesa onavotelliwiiwa.”