Yesaya 4:4 - Mawu a Mulluku

⁴ Vaavo Apwiya enaakhalle yaahapihalle athu a o Ziyoni ni ovenyihavo ddoonanara ddiwa nave enaakhalle ehuwalle nikhame nno nahelliwe mu Yerusalemu. Eneere ddenndda ni munepa waweeruza ni waweelliha ni munllo.

Yesaya 4:4 ပူးပေါင်းရင်းမြစ်များ

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Ezekiele 36:29

Kineerewuuvullusani o ddittheddene ddawuuripihani. Kineerewuuruuwihellani tirigwaanyu nave ngiwa kuumorihellani ettalla.

Yesaya 28:6

Oweeruza eneerovahiwa murima woolungama nave eneerewaallipiha murima attheene enallipana ni adani va millako dda muzinda.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Yowele 3:21

Kineerohokollosella ddoonanara ekaamba ya ayo yiiphiwe, oochimwa ngaahiya ddiiddo oohaallaka vawi mi tti Apwiya ookhalla o Ziyoni.”

Ezekiele 22:15

Kineerewaapallallesa athwaawo variyari va mitundu ddimodda dda athu ni waamwarella o ellapo dda woorekama. Mmu sika kinaamallihelleemi oripihiwa wawo.

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Yesaya 9:5

Ddawoona, erive esapato ya muthu akhoto ni erive yoowara yoomorelliwa nikhame, ddineerokharihiwa wonanko ekhuni.

Yesaya 1:31

Athu amasiva enaakhalle wonanko manasi awumma nave mitteko ddiwa wonanko munllo. Sika athwaayo enaakharelle nimodda ni mitteko ddiwa, oohikhallavo mmodda oowora waathiimihella.

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Zefaniya 3:1

Otulli wa Yerusalemu, muzinda woowukila, wooripihiwa ni weekuku.

Masalimo 51:2

Mukihapihe o ddoolakwa ddaka ddittheddene, mukeellihe o machimwaaka.

Nchipo na Solomoni 3:11

Khumani nyu anamwalli a o Ziyoni, mumoone mwene Solomoni. Awanre enduwira yoomwene eyo amennya yamuwarihalliiwa va nllapo nookwataaye mvo murimaaye wahakallanlliiwa.

Yesaya 9:19

Ekaamba ya yeella, osha murima wa Apwiya Amasiva Mattheene wohoosa ellapo nave athu tti wonanko ekhuni vawi khaavo muthu anammoriwella ethakaraka mukhwaaye.

Yesaya 1:25

Kineerotukhulla muwonwaaka wi killipane ni weyaano. Kineeroweeka machimwaawo ni waahuwa wonanko enahuwelliiwa murawa.

Yesaya 27:9

Sika machimo a Israele eneerokhululukelliwa nave eneerewooniha olapa wawoona vookumullani malluku mattheene a makuwa eelleto ni waatthattusa nthupi nave vano khavikhallattho makuwa eelleto a lubani* ni mafano a Asherimu.

Yeremiya 9:6

Ennatthinddaanyera machimo vaddullu va machimo makhwiiwa, woottottha va woottottha okhwiiwa. Apwiya yaallota wi, “Athu ennakhoota okidduwella.