Yesaya 4:3 - Mawu a Mulluku

³ Vano oohalla o Ziyoni, ootthoolliwa ni Mulluku wi ekhalle ni okumi o Yerusalemu, eneeroromolliwa oopatuleya.

Yesaya 4:3 ပူးပေါင်းရင်းမြစ်များ

Luka 10:20

Nave muhihakallalle kaambiiwa minepa ddoonanara ddinnawiiwellellani koma muhakallalle kaambiiwa manddinaanyu aalembiwa oddullu.”

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Masalimo 69:28

Mwaavenyihemo mu nibukhu na akumi, ehilembiwe nimodda ni athwaanyu.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Aroma 11:5

Sika emoddamoddave yeeyo, muttano Mulluku ohaavaha echisomo Aisraele amodda ayo iitthoollelleeye wi ekhalle oomuthwarellellaaye.

Ezekiele 43:12

Nenna sika lamulo na mu enyumba ya Apwiya eyo enaamakiwe vaddullu va mwaango. Vatthevene vawaapheella vineerokhalla vaweellesesa. Nenna sika lamulo na mu enyumba ya Apwiya.”

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Mitteko 13:48

Athu ayo ehiri Ayudaayo yiiwalliiwa ddenndda, yaahakallalla nave etitimiha mawu a Apwiya nave ayo yatthoolliwe wi yaakhelle okumi woohimalla, yaakhalla ookhulupilila.

Ezekiele 13:9

Kineerewaallaka anamallotella ayo enoona m'masomphenya awoottha ni awoombesa moohollosa. Khekhallana va mutthukumano wa athwaaka. Kheyeerengelliwa nimodda ni Aisraele nave khehokollweella mu ellapo ya Israele. Sika muneerodduwella wi mi tti Apwiya Mulluku.’

Yesaya 1:27

Apwiya tti oolungama, eneeromoopolla Ziyoni ni arive muthu oolapa m'muzindanimmo.

Aroma 11:4

Koma Mulluku aamulleella wi, “Kohiisungella meekha athu 7,000 ayo ehinamullapella Baala, mulluku awoottha.”

Masalimo 87:6

Apwiya eneeroweerenga, vawaalembani athu a mitundu ddittheddene, ayo yayarelliwe wenko.

Yesaya 28:5

Nllapo nenno Apwiya Amasiva Mattheene enaakhalle wonanko echipewa yoomwene yooriiheya ni enduwira yooreera wa athwiiwa oohalla.

Yesaya 35:8

Wenko oneerokhalla musewu muullupalli, onaaromolliweke wi, “Ettilla ya Weella.” Ooripihiwa khewa yeetamo, ookarangeya khevollowamo.

Yesaya 46:3

“Nyu edduullu dda Yakobo, kiiwellelleni, nyu attheene oohalla a mu nibanja ya Israele. Kohuupwathani ovenyera eyariwellwaanyu, kahuutukhullani waambeella m'mirimani mwa ameenyu.

Yesaya 62:12

Muneeroromolliwa oopatuliwa a Mulluku, athu awoopolliwa ni Mulluku. We Yerusalemu, oneeroromolliwa wi, “Muzinda Wookondiwa ni Apwiya, Muzinda Woohihiyiwa ni Mulluku.”

Yowele 3:17

Vano we Israele, oneerodduwella wi, mi tti Apwiya Mullukwaawo oyo kinakhalla o Ziyoni, mwaangwaaka waweella. Yerusalemu anaakhalle oopatuleya, adani khewa emugonjihattho.

Obadiya 1:17

“Koma va mwaango wa Ziyoni amodda eneerothawellawo nave onaakhalle nipuro naweella. Athu a Yakobo eneerokhalla ni ellapo wi ekhalle yoohallaniiwa

Malaki 3:16

Vano athu oowoova Apwiya yahaamba okambirana nave Apwiya yahaapella maaru ni wiiwa. Vamiitthoni viwa vaakhalla nibukhu na yawuupusella mmo mwalembiwe manddina a athu oowoova ni waavaha olemu.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Zekariya 14:2

Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.