Yesaya 4:2 - Mawu a Mulluku

² Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla.

Yesaya 4:2 ပူးပေါင်းရင်းမြစ်များ

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Zekariya 3:8

We Yoswa, mullupa mukutho muullupalli, iwa! Nyu allupa mukutho akhwaaye, echizindikiro ya ddaphaama ddineereye, iwani! Kineerowaana oorumeyellaaka ooromolliwa Enthambi.

Yesaya 27:6

Mallapo enawaayo Yakobo aneerotthipella misisi, Israele aneerophuwa ni ottaphulla malluwa. Ellapo ettheene yavatthi eneeroddalla ni ezipaso ddaye.

Yowele 2:32

Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

Yeremiya 33:15

Mallapo yaayo navettho va enthawi yeeyo, kineeromuphuwihella Davide enthambi yoolungama oyo aneere ddaphaama ni ddoolungama mu ellapo ettheene.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Obadiya 1:17

“Koma va mwaango wa Ziyoni amodda eneerothawellawo nave onaakhalle nipuro naweella. Athu a Yakobo eneerokhalla ni ellapo wi ekhalle yoohallaniiwa

Yeremiya 44:14

Sika mwa athu oohalla o Yuda ayo yayiille o Iguputo, khaavo anaavulluwe apaalle okhalla ni okumi apaalle ohokollweella wi akhallettho o Yuda nko yakhallelliiwawo munkhella. Khaavo anaahokollweellewo opatula ayo enaathawe ekhoto.’ ”

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Yesaya 53:2

Vallethi oorumeyellaaye ahunnuwa wonanko yoophuwa vamiitthoni va Apwiya, wonanko musisi mu ethaya yawumma. Olliye khaarina mooneyello aphaama wi hiyaano ttuumuweha, khaareere wi ttuukuseyana murima.

Masalimo 72:16

Mu ellapo mukhalle yoocha yinchichi, vaddullu va mwaango vikhallettho ddeko. Ezipaso ddaye ddikhalle ddinchichi wonanko dda o Lebanoni. Athwaaye yaate m'mizindanimmo wonanko manasi amuhakani.

2 Petro 1:16

Hiyaano khanithwanre miyaha ddawiiwa vawuulleellani dda owa wuullupalli wa Apwiihu Yesu Khrisitu. Koma nahoona ottekweenaaye ni miitthwaahu.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Mateyu 24:22

Nave Mulluku ahaayevihalleke mallapwaayo, khaavo naari muthu mmodda aavulluwe. Koma ekaamba ya athwaaye ootthoolliwa, Mulluku aneerewayeviha mallapwaayo.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Ezekiele 7:16

Oohalla ayo enaavulluwe, enaakhalleke m'miyaangoni nave aneerekewinlla wonanko ekhunda. Arive muthu eneerekewiipullella ekaamba ya machimwaaye.

Yeremiya 44:28

Oovulluwa okhotoni, ayo enaahokollweelle o Yuda ovenyera o Iguputo, enaakhalle aweerengeya. Sika oohalla attheene a o Yuda ayo yakhalla o Iguputo edduwella wi ddawoona tti ddiivi, ddayiwannddo apaalle ddaakanndda.

Yesaya 45:8

We murapo, murupihe murimu ovenyera oddullu, mirapo ddiithe echilungamo. Ellapo yavatthi ehulleye wi vikhume ovullusa, wi vimelle echilungamo. Mi Apwiya sika kinaphatusa ddenndda.”

Yesaya 30:23

Mwaamiddaka mmiddwaanyu, Apwiya eneerewuurupihellani murimu wi omelle nave muneerohata ddinchichi. Nllapo nenno eziweto ddanyu ddineerophwanya munyepu munchichi.

Yesaya 11:4

Oohoowa aneeroweeruza mweechilungamo, athu shisha a va ellapo yavatthi aneerewaakamullella millatu moohiweha ekhove. Mawu muwano mwaye enaakhalle ekopo yawaallakella oochimwa, mpweya wa vayanoni vaye oneerowiipha oochimwa.

Masalimo 67:6

Ethaya yahimma ezipaso ddiwa, Mulluku, Mullukwaahu oonidalisa!

Eksodo 28:2

Omusowelle muullupallaawo Aroni ddoowara ddoopatuleya wi ooneyeke phaama navettho wi avahiweke olemu.

Yesaya 26:1

Nllapo nenno athu a mu ellapo ya Yuda eneerewiipa nchipo nawi, “Nookhalla ni muzinda wampanda, Apwiya eneeroteteza mpandiiwa.

Yesaya 60:15

Naari athu yuuhiyalle ni owiita weyaano, oohivirattho mwa weyaano, kineerowunnuwiha wa enthawi yoohimalla, onaakhalle nipuro na ehakallallo wa mibado ddittheddene.

Yesaya 61:11

Wonanko mmo ethaya enamellihelliiwa mmiddo navettho wonanko mmo emata enunnuwihelliiwa ddawaalla, emoddamoddave yeeyo Apwiya Mulluku eneereweera echilungamo ni ntitimiho niwa vamiitthoni va athu attheene.

Ezekiele 34:29

Kineeroruuwiha ddoollima ddiwa sika khewa ekhwa ni ettalla mwiillaponimmo nave athu a ellapo ddimodda khewa yaavevulla.

Ezekiele 36:8

Koma nyuwaano miyaango dda o Israele, muneerophuwattho enthambi nave athwaaka Aisraele muneerowimmihella ezipaso vawi eri vakhuviru ohokollweella owaniwa.

Malaki 3:17

Vano Apwiya Amasiva Mattheene yaallota wi, “Athu yaayo enaakhalle aaka, enaakhalle aakaaka va nllapo nno kinaanikhozeemi.” Kineeroweerella echifundo wonanko mmo muthu anamweerelleeye echifundo mwanaye oyo anamwiiwellella.