Yesaya 3:9 - Mawu a Mulluku

⁹ Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.

Yesaya 3:9 ပူးပေါင်းရင်းမြစ်များ

Genesis 13:13

Athu a m'muzindammo yaari oonanara ni oochimwesesa vamiitthoni va Apwiya.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

Ezekiele 23:16

Awoonille, mutthiyanoolle ahaamba waapaalla. Sika ahaaruma athu a o Babiloni wi ewiithane.

Maliro 5:16

Enduwiraahu yoomora omuruni, ootulli hiyaano vawi noochimwa.

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Yesaya 3:16

Apwiya enallota wi, “Atthiyana a o Ziyoni tti awiitukhulla wunchichi, eneeta mathuri eri muddullu nave enaweha moorukunusa miittho. Eneeta mwawiinyarulla nngu yinllihaka ebangili ddiwa dda m'metoni.

Miyambo 30:13

Vookhalla amodda awiitukhulla, ooddeesa aphaama wunchichi.

Miyambo 8:36

Koma oohikiphwanya aniivoreya yeekha, attheene ookiita ennakonda okhwa.”

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

2 Mamwene 9:30

Yehu aphiyalle o Yezireele, Yezebele ahiiwa nnddo ddeereyille. Nave aamara miitthwaaye ni otooto, alluwa meehaaye, anatthurumella va niwindo.

1 Samuele 15:32

Vano Samuele aallota wi, “Wannani wuno Agagi, mwene Aamaleke.” Nave Agagi aaphiya wa Samuele moohakallalla allota mwa yeekhaaye wi, “Ovoreya wa okhwa woovira!”

Hoseya 13:9

Kineerowoonongani Aisraele. Ethiyo ttaani anaawukavihereni?’

Daniele 7:20

Kaapaallattho odduwella dda manyaka khumi a va muru vaye navettho dda nnyaka nimoddanne natullalle mamodda mararwaalle voomellani. Nna tti nnyaka nne naari ni miittho ni eyano yoollota ddawiitukhulla nave nooneya nuullupalli okhwaranya mattheene.

Yawuupullulla 11:8

Nave mitembo ddiwa ddineerophwanyeya ddiri m'misewuni dda muzinda muullupalli, nko Apwiiwa yatthomeyiweewawo vamutandani. Muzindooyo waromiwe wi, “Sodomu apaalle Iguputo.”

Genesis 4:5

Koma Apwiya kheyaahakallallille ni Kaini ni mukuthwaaye. Ekaamba ya yeella Kaini aasha murima wunchichi, mwawi ekhovaaye yaamora navettho yaawa mahinyare.

Miyambo 15:32

Oyo anakhoota ohuddera aniivoreya yeekha koma awaakhullella ohumullulliwa annapindula wiiwesesa.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

Yesaya 57:20

Koma athu oonanara tti wonanko enyanja yoovidduwa, yooheera ellapo tuu nave mafundiiwa enakhallella ovokha matokwi ni mihava.

Yesaya 59:12

“Nyu Apwiya, nohuuchimwellani wunchichi vawi machimwaahu ennanivaanyiha, ddoolakwa ddiri va hiyaano nave ninnadduwella phaama.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Ezekiele 16:30

Apwiya Mulluku enallota wi, “Murimaawo tti woofooka wunchichi ekaamba yawi vaweerani ddenndda wonanko mutthiyana ooraruwa oohiwulliwa muru.

Ezekiele 16:49

Ochimwa wa Sodomu ni mizi ddaye waari wawi aaniitukhulla ni eyuumaaye yinchichi nave khaapwatha oohoowa ni oopaneya.

Genesis 19:34

Ohinase wene mwaana muullupallooyo aamulleella mung'onong'onwaayoolle wi, “Miyaano mahiiyu evirallaalla kaakona ni attiitthiihu. Hanko naalezelihettho nave weyaanottho mahiiywaalla okonena wi mutundwaahu ohimalle.”

Hoseya 5:5

Wiitukhulla wa Israele tti omboni woomuvaanyiha. Ddawoona, Efuremu aneerokwakwatuwa ni omora ni machimwaaye. Nayeenettho Yuda aneereweera emoddamoddave.