Yesaya 26:3 - Mawu a Mulluku

³ Nyu Apwiya, munnavaha murendelle wawoona wa ookeraattheya murima ni awuuroromellani.

Yesaya 26:3 ပူးပေါင်းရင်းမြစ်များ

Afilipi 4:7

Vano murendelle wa Mulluku, wookhwaranya mmo athu eniiweseselliiwa, oneereweeriha mirima ddanyu ni maganizwaanyu ohikhupanya ekaamba ya Khrisitu Yesu.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Masalimo 9:10

Apwiya, ayo enuudduwellani ennuuroromellani, khamunamuhiya muthu oyo anawaashaashani.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.

Mika 5:5

Olliye sika anaakeraatthihe murendelle. Aasiriya eneerovollowa mwiillaponi mwahu ni waamba onihella ekhoto. Vano hiyaano nineerewaarumiha oolamulella atthanu ni eelli apaalle enduna tthanu ni raru.

2 Epilli 16:8

Ethiyo Akushi ni Alibiya kheyaari akhoto anchichi ookhalla ni magareta ni athu aweetiha akavalo awaata? Koma ekaamba yawi mwaaroromella wa Apwiya, yahaavelleella wa nyuwaano.

2 Epilli 13:18

Sika Aisraele yaagonjihiwa enthawi yeeyo nave Ayuda yaapambana kaambiiwa yahaaroromella Apwiya Mulluku a makhollwiiwa.

1 Epilli 5:20

Yaamuroromella Mulluku ni oveka nikavihero wa olliye nave Mulluku ahaakhulla oveka wiwa nave ahaapambaniha wa Ahagiri ni awiiwananiiwa.

Yesaya 48:2

Komave munniiromolla ni nnddina na muzinda wawella, munnaashave nikavihero wa Mulluku a Israele oyo nnddina naye tti Apwiya Amasiva Mattheene.

Yesaya 50:1

Apwiya enallota wi, “Ethiyo ari wuuwi kalata kaasuzulelleemina ameenyu? Apaalle kuukullihalleni wa aani mwa athu kiriimina ni ekongoli? Ngoonani, mwakullihiwe wuukaporoni ekaamba ya machimwaanyu, Ameenyu yahiikarihiwa ekaamba ya ddoonanara ddanyu.

Masalimo 119:165

Ookonda malamulwaanyu aakhalla ni murendelle wawaata, khenna yawaakwakwatuwiha.

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Yesaya 26:12

Nyu Apwiya, munnanivaha murendelle, ddittheddene nineereehu ddinavenyera wa nyuwaano.

Yesaya 27:5

Koma adani a athwaaka yaapaallaka wi kaateteze enaphwanella wiiwanana ni mi dda murendelle. Ddawoona, tti woophwanella wiiwanana ni miyaano dda murendelle.”

Yesaya 32:18

Athu a mi Apwiya enaakhalleke mu mizi ddamurendelle, mu enyumba ddoororomelleya ni mwawiithuuwellamo ni oohikhupanyihiha erive ello.

Yesaya 42:6

“Mi Apwiya koowiithana wi okeraatthihe echilungamo. Kohuuphara nnatta ni wuusunga, kohuutthoolla wi okhalle echipangano wa athu, okhalle owala wa athu a mitundu ddimodda.

Yesaya 42:19

Ttaani ari oohoona koma ari oorumeyellaaka? Ttaani ari oohiiwa koma ari amithengaka kinamurumeemi? Ttaani ari oohoona koma kakeraatthihana echipangano? Ttaani ari oohiiwa koma tti oorumeyella a Apwiya?

Yesaya 49:8

Apwiya enallota wi, “Enthawi kinaaganizeemi ddawuukondella kineerowaakhulla, nllapo na ovullusa kineerewuukavihera. Kineerewuusunga wi okhalle echipangano wa athu wi kiyihokolloselle mwakhalle ellapo, oyikawakawa yoohallana yawoonongeya.

Yesaya 66:12

Apwiya enallota wi, “Kineerewuuvaha murendelle wonanko muhinje. Eyuuma ya mitundu dda athu eneeroowa wa weyaano wonanko muhinje woosefukella. Munaakhalle wonanko mwaana awaamwa oyo amennya emuupaarelle vakhwipi apaalle enamuttotthella vamakutthani.

Daniele 3:17

Mullukwaahu ninamurumeyelleehu aneerowora onaakiha mu eng'anjo yamunllo nave aneeronivullusa mu nnatta nanyu, amwene.

Daniele 3:28

Nebukadinezara aallota wi, “Atitimihiwe Mulluku a Shadrake, Meshaki ni Abedenego oyo amurumme amithengaaye aavullusa oorumeyellaaye oomuroromella olliye. Nave yaakhota mawu a miyaano mwene, evelleella miilli ddiwa wi ddihirumeyelle apaalle ollapella arive mulluku koma Mullukwiiwave.

Daniele 6:23

Mwene aahakallalla wunchichi nave aalamula wi Daniele akhumihiwe munllitini. Sika Daniele aakhumihiwa ahivoreyeye naari vang'ono kaambiiwa aamuroromella Mullukwaaye.

Masalimo 125:1

Athu ayo enaaroromella Apwiya tti oollipa wonanko mwaango wa Ziyoni, woohitikheya ni wookeraattheya wa enthawi yoohimalla.

Yesaya 32:17

Ekaamba ya yeella, mu ellapo ettheene muneerokhalla murendelle ni omaalleya ophiyera wa enthawi yoohimalla.

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Yeremiya 39:18

Kineerewuuvullusa nave khawiiphiwa ni ekhoto. Oneerokhalla ni okumaawo wonanko yawaakha okhotoni kaambiiwa wookiroromella. Mi Apwiya koollota.”