Yesaya 26:2 - Mawu a Mulluku

² Hullani millako dda muzinda, mutundu woolungama ovollowe mutundu wa athu oororomelleya.

Yesaya 26:2 ပူးပေါင်းရင်းမြစ်များ

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Masalimo 118:20

Nndda sika millako dda Apwiya, oolungamave sika enaavollowemo.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Yesaya 60:11

Millako ddawo ddineerohulliwa enthawi ddittheddene, otthaana ni mahiywiine kheddiwalliwaka sika athu a mitundu ddittheddene eneerowaana eyuumiiwa wa weyaano, yeetaka m'mullokoni mamweniiwa eri vahoollo.

Yesaya 62:10

Khumellani, khumellani vamullakonimvo, apotokoselleni ettilla athu! Llimani, llimani musewu, venyihanimoni malluku, imesani embendela wi mitundu dda athu ddooneke.

Yesaya 62:2

Mitundu dda athu ddineerowoona olungamihiwe, mamweniiwa mattheene eneerewoona ntitimiho niwa. Eneerewiithaniwa ni nnddina nanaanweene, nno Apwiya mwaneeniiwa enuuvahiiwa.

Mitteko 2:47

Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Yesaya 54:14

Oneerokeraattheya mu echilungamo, khowattho onyingallelliwa, ddawoona, khowattho woova, Khuwa woopopihiwa kaambiiwa ddeko ddawoopiha khaddiwaatamella.

Masalimo 106:5

wi koone ddooddiva dda ootthoolliwaanyu, wi kithapellena ehakallallo ya mutundwaanyu, wi kiriiheye vamodda ni yoohallanaanyu.

Eksodo 19:6

Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.”

Yawuupullulla 21:24

Athu a va ellapo yavatthi eneereweeta mu owalanko navettho mamwene a va ellapo yavatthi eneerowaana eyuumiiwa mwemmo.

Zekariya 8:20

Apwiya Amasiva Mattheene enallota wi, “Enthawi ya owa wa athu oovenyera o mizinda ddinchichi eneerokwakhwana.

Yesaya 58:8

“Mweera ddenndda muneerowala wonanko ohinase nave makhwataanyu eneerovolla mwawaakuva. Echilungamwaanyu eneerewuuhoollellani nave ntitimiho na Apwiya nineerewuutetezani mutulli mwanyu.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.

2 Petro 3:13

Koma ninatiyera nnddo Apwiya yaanilonjezilliiwa, oddullu wanaanweene ni ellapo yavatthi yanaanweene, nko ori owaniwa wa echilungamo.

Masalimo 24:7

Millako dda muzinda, hullani! Hullani machiwi akhallaayo wi mwene ootitimiheyooyo avollowe.

Masalimo 118:19

Kihullelleni millako dda echilungamo wi kivollowemo kaathokoze Apwiya.

Yesaya 45:25

Mwa mi Apwiya edduullu dda Israele ddineerolungamihiwa ni ohakallallihiwa.”

Yesaya 54:17

Koma kheyiivo echida yoohanelliwa weyaano enuuvoreye, attheene awuullotella ddoonanara oneerewaavaanya. Ella sika yoohallana ya oorumeyellaaka, miyaano sika kinaalungamiha.” Apwiya sika enallota.

Yesaya 60:18

Eziwawa kheddiwa ddiiweyattho, ellapwaawo khewa yoonongeyattho. Kinaakhalle wonanko mpanda wawuuteteza, oneerokititimiha ekaamba yawuuvullusa.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Yesaya 62:1

Ekaamba ya Ziyoni ngeera ellapo tuu, ekaamba ya Yerusalemu ngiithuuwa ophiyera echilungamwaaye yooneyille vaweella wonanko owala, ovullusa waye wonanko mutthiko wookhara.