Yesaya 2:3 - Mawu a Mulluku

³ Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Yesaya 2:3 ပူးပေါင်းရင်းမြစ်များ

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Masalimo 110:2

Apwiya eneerowunnuwiha omwenaawo wamasiva ovenyera o Ziyoni. “Khalla mwene owaalamulella adanaawo.”

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Deuteronomo 6:1

“Vano alla tti malamulo ni malangizo mattheene ayo Apwiya Mullukwaanyu yakilamulalliiwa wi kuuhuddiheni. Nyuwaano ni edduullu ddanyu muthwareke ddenndda mu ellapo eyo munaavolloweenyumo ni waakha.

Yeremiya 31:6

Enthawi eneerophiya yawi alonda oomiyaangoni dda Efuremu enaakhuwiiwa wi, ‘Hankoni niye o Ziyoni, wa Apwiya Mullukwaahu!’ ”

Aroma 10:18

Nave kinakoha wi, “Tti ddawoona wi kheyaawiiwalle othenga?” Khe ddawoona, yahiiwa, wonanko mmo mawu a Mulluku enallotelliiwa wi, “Mawiiwa yaavuwa mu ellapo yavatthi ettheene nave ddoollota ddiwa ddaaphiya wookomella ellapo yavatthi.”

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Mateyu 7:24

“Vano arive muthu oyo aniiwa ni weera mawaaka anaphwanaphwana ni muthu eezeru oyo aamakille enyumbaaye vanllukuni.

Yakobo 1:25

Nave oyo anaakhella malamulo aphaama wunchichaalla, oovaha ottaphuwa, aawaathwaraka, aahikhalla awiiwa ni ootiwalla nave aweerana mutteko aneerodalisiwa mu ddaweera ddiwa.

Mitteko 10:33

Sika kaawiithanani enthawiine yeeyo nave moheera phaama wi moowa. Vano attheenehi niri wuno vamiitthoni va Mulluku, otiyera wi niiwe erive ello Apwiya yuulamunlleewani wi munilleelle.”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Yohane 4:22

Nyuwaano Asamariya khamunamudduwella oyo munamullapelleenyu koma hiyaano Ayuda ninnamudduwella oyo nnamullapelleehu kaambiiwa ovullusa onavenyera wa Ayuda.

Deuteronomo 33:19

Eneerewiithanella mitundu dda athu o miyaango ddiwa, ennavelleellawo wenko mikutho ddoophwanellella vawi eyuumiiwa enavenyera mu malonda a vanyanja ni m'mihavani dda mukhwipi mwa enyanja.” Aallota dda nlloko na Gadi wi,

Masalimo 48:1

Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

Masalimo 119:171

Vayanoni vaka vineerewuutitimihani kaambiiwa munnakihuddiha malamulwaanyu.

Masalimo 122:1

Kaahakallalla yakilleelliiwa wi, “Hankoni o enyumba ya Apwiya.”

Yesaya 28:9

Alliwa enallota wi, “Ethiyo muthu yoolla anaaka amuhuddihe aani? Ethiyo othengooyo anaaka amutthopoollelle aani? Ethiyo hiyaano tti anamwani oohiya wene waamwa, owaakhiwa wene nipelle?

Yesaya 56:5

kineerewaavaha mu enyumbaaka ni muwari mwa esiri ddaka yawuupuwelliha ni nnddina nookhwaranya anamwani aallopwana ni aatthiyana. Kineerewaavaha nnddina noohimalla nno khaniwa nivenyihiwavo.”

Yesaya 56:7

“Kineerewaaphiyiha o Ziyoni, mwaangwaaka wootthoolliwa. Kineerewaavaha ehakallallo mu enyumbaaka yamavekello. Mikutho ddiwa ddawoosa ni mikutho ddiwa ddimodda kineeroddaakhella va nikuwa naka. Valle enyumbaaka eneeroromolliwa enyumba yoovekellamo athu a mitundu ddittheddene.”

Yesaya 60:3

Athu a mitundu ddimodda eneerothwara owala wawo, mamwene eneeroowa o onyezimella wawo wonanko nndduwa naakhumaka.

Yesaya 65:11

“Koma nyu awaakhoota Apwiya ayo munatiwalla mwaangwaaka waweella ayo munamullapella Gadi ni Meni, milluku ddoowiiha ekari ni otulli,

Yesaya 66:20

Nave eneerowaana abalaanyu attheene ovenyera wa athu a mitundu ddimodda wi ekhalle emphaso wa miyaano. Eneerowaana o mwaangwaaka waweella o Yerusalemu abalaanywaayo yaawellihalle va akavalo, abulu, ekamira,* magareta ni machira. Eneerowaana wonanko Aisraele yaawaakana ddoovelleella dda yoocha o enyumba ya Mulluku, addikusalle mu embale ddoopatuleya.

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Ezekiele 40:2

M'masomphenya, Apwiya yaakikusella o ellapo ya Israele ekihiya vamwaangoni woorekama mvo koonilleemi yoomakiwa wonanko muzinda omwera.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Mika 4:2

athu a mitundu ddinchichi eneeroowa, ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.”

Estere 9:27

Ayudaayo yahiikeraatthihella weekhiiwa mutethoolla nave yaasimikiza wi alliwaayo, edduullu ddiwa ni athu amodda ookhalla variyari viwa wi ehitiwalleke osunga mallapo meellaalla, voothwarani nnddo ddalembiwe navettho ni enthawiine yaweerella ddenndda muyakha ni muyakha.

Masalimo 102:23

Apwiya yahinttaka masivaaka kihinannuwe, yaayeviha mallapwaaka.

Yesaya 1:26

Kineerewaakeraatthihattho aweeruzaawo ni attekweenaawo wonanko khalle. Attekweenaawottho. Vatulli viwa we oneeroromolliwa muzinda woororomelleya ni woolungama.”

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Yesaya 19:23

Nllapo nenno vineerokhalla musewu muullupalli ovenyera o Iguputo oya o Asiriya. Aasiriya eneeroweetella Aiguputo navettho Aiguputo eneeroweetella Aasiriya vawi eellaalla enaallapelleke vamodda.

Yesaya 44:5

Mmodda aneerollota wi, ‘Miyaano kiri a Apwiya,’ mmoddattho aneeroddeesa a athu a Yakobo, mmoddattho aneerolemba va nnatta naye wi, ‘A Apwiya,’ aneerewiiromolla a athu a Israele.”

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.