Yesaya 10:3 - Mawu a Mulluku

³ Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Yesaya 10:3 ပူးပေါင်းရင်းမြစ်များ

Luka 19:44

Eneerowiiphani nimodda ni aniinyu nave khavikhalla nlluku naari nimodda va nikhwaaye nihinaamorihiwe ni alliwaayo. Vawi khamwaapwathille dda enthawi eyo Mulluku awiilleeye wi uuvulluseni!”

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Yobu 31:14

kineere tini Mulluku vootthupulluwani, kinaallote tini vookiipani mullatu?

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

Yesaya 20:6

Nllapo nenno athu ookhalla mukhwipi mwa enyanja eneerollota wi, ‘Ngoonani nnddo ddiweereyelle alle naatiyereehu ni othawellawo wi enikavihere ni onivullusa wa mwene a o Asiriya. Vano ninaavulluwe mwawiidde?’ ”

Yesaya 5:26

Apwiya eneerewiimesa embendera wiithana mutundu wa athu oovenyera woorekama. Eneerowiithana athwaayo ni mutturu wi ewe ovenyera woomallihella wa ellapo yavatthi ettheene nave alliwa eneeroowa moothamaka wunchichi.

Miyambo 11:4

Eyuuma khenakavihera va nllapo na osha murima koma echilungamo sika enavullusa wuukhwaani.

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 39:3

Vano namallotella Yesaya aaya wa mwene Hezekiya amukoha wi, “Ethiyo athwaalle yuulleelleni ddawiidde nave yavenyenre wuuwi?” Hezekiya ahaakhulla wi, “Yavenyenre o ellapo yawoorekama, o Babiloni.”

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

Yesaya 30:16

Koma mwaallota wi, “Nineerothamaka va akavalo.” Ddawoona, vano thawanittho! Mwaallotattho wi, “Nineerowella va akavalo oothamakesesa.” Ddawoona, oowiikarihanaayo enaakhallettho oothamakesesa wuukhwaranyani nyuwaano.

Yesaya 5:14

Ekaamba ya yeella o ellapo ya ookhwa khonavona, onnaatthama wi omwaakhelle arive muthu. Athu oovuwa a mu Yerusalemu ni athu shisha anchichi eneeromorellamo ni olezela wiwanko.

2 Mamwene 7:15

Athwaalle yahaathwara Asiriya ophiya o Yordani. Nave m'musewuni mutthemwene yaanaphwanyamo ddoowara ddiri millumillu ni katundu oyo Asiriya yamumorihiiwa voothawani mwawaakuva. Sika amithengaayo yaahokollowa yamulleella mwene.

Genesis 31:1

Yakobo ahiiwa wi anamwani a Labani yallota wi, “Yakobo ookusa ddittheddene dda attiitthiihu. Aphwannye eyuumaaye ovenyera mu eyuuma ya attiitthiihu.”

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Yesaya 13:6

Inllani mookhuwa vawi nllapo na Apwiya nohaatamella nave ninawa ni woononga woovenyera wa Amasiva Mattheene.

Yesaya 17:4

“Nllapo nenno oriiheya wa Yakobo oneeroyevihiwa nave eyuumaaye eneerotthattuwa ohoowa.

Yesaya 26:14

Vano alliwa aakhwa, khevenyattho vawi mohaallaka ni waatthollosa khaavottho anawuupuwella

Yesaya 29:6

Apwiya Amasiva Mattheene eneerewuuvullusa ni ogugudeya, echivomerezi ni onyakulla wuullupalli. Eneeromurumihattho namangalle, namondwe ni mallumi amunllo wawoononga.

Yesaya 30:5

athu attheene a o Yuda eneerowulliwa muru ekaamba ya athu oohikhalla ni muttekwaayo nave oohikhalla ni orive mphuro koma oowulliha muru.”

Yesaya 30:7

Nikavihero na Iguputo tti etthiruve nave khaninna mutteko. Sika ellapweeyo kooyivaha nnddina nawi, ‘Rahabu, ookhulliwa miino.’ ”

Yeremiya 4:30

We Yerusalemu, woopasuliwa, kaambiiwa tini onawareewe ddoofiira, onawareewe ddooreeriha ddagolide, onamareewe otooto miitthwaawo? Oniireerihella nivuddo, awuukondaawo enimuunyemulla, enapaalla ewiiphe.

Yeremiya 9:9

Ethiyo sika ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla? Mi Apwiya koollota.’ ”

Yeremiya 22:7

Kineerewaaruma athu wi ewoononge, arive muthu ari ni ezida ddaye. Eneerewuuha mikunguza ddawo ddaphaama nave eneeroddivokhella viikho.

Hoseya 9:5

Ethiyo nllapo nootthoolleya na Apwiya, nllapo na ehakallallo, athu enaaweere tini?

Mika 7:4

Naari muthu aphaama wunchichi ni oolungamesesa ari wonanko miiwa. Nllapo na ollaka wawo nno nallotelliwe ni alondaawo noophiya. Vano woophiya omalla ezeru wawo.

Yesaya 28:20

Munaakhalle wonanko muthu ookona va bedi ookhuveya wunchichi wawi khaworattho ottaphurusa meto navettho wonanko muthu awiikhuneella ni bulangete moohikwakhwanella.

Amosi 5:19

Onaakhalle wonanko muthu anathawa mukango nave akumana ni echimbalangondo apaalle wonanko muthu avollowille mpa ahameella esiri ni nnatta naye nave allumiwa enowa.