Yesaya 1:3 - Mawu a Mulluku

³ Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”

Yesaya 1:3 ပူးပေါင်းရင်းမြစ်များ

Yeremiya 8:7

Nasekwa annadduwella enthawi yoovava. Mukhunda, neenkhaare ni nikokoko ddinnadduwella enthawiiwa yootimullella olendo. Koma athwaaka khenadduwella malangizwaaka.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yesaya 44:18

Athu awi ddiidda khenadduwella ello nave kheniiwesesa naari vang'ono. Miitthwiiwa yoomarelliwa wi ehoonena. Khenna ezeru wi ehiiweseseke.

Yesaya 5:12

Enakhallella wiipa azeze, magitala, ekoma ni ezitoliro, enamuwirya vinyo va machellellwiiwa. Koma khenapwatha apaalle woona mitteko dda matta a Apwiya.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Masalimo 94:8

Nyu athu ookarangeya, iwesesani, nyu oolloddowa, ethiyo munaakhalle ni ezeru niini?

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

2 Petro 3:5

Enatiwalla phudda ddawi khalle Mulluku mwawi malamula, aaphatusa oddullu ni ellapo yavatthi. Ellapo yavatthi yaaphatusiwa ovenyera omaaddini, mu ettilla ya maaddi,

Miyambo 6:6

We muthu oolesi, khawe woone enenelli nave wawehesese mmo eneerelliiwa wi okhalle ni ezeru.

Yeremiya 10:14

Athu attheene tti ookarangeya, khenna ezeru, arive muthu eeruso annawulliwa muru ni mafanwaaye. Mafano ayo aapangilleeye tti awoottha, mwa alliwa khamuri okumi naari vang'ono.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Mateyu 13:19

Athu attheene eniiwa othenga wa omwene koma kheniiwesesa, tti wonanko mmiddo wamorenlle muttilla. Oonanarooyo, annawa awaakha othenga woomiddiwa m'murimani mwiwa.

Yesaya 5:13

Sika athwaaka eneerophariwa okaporo ekaamba yoohiiwesesa ddeko. Oohoollelliiwa oovahiwa olemu eneerokhwa ni ettalla nave athu shisha anchichi eneerokhwa ni nthona.

Yesaya 56:11

Tti wonanko anapwa. Naari abusa khenna ezeru vawi arive muthu aneera eneeta ettilla ddaye nave anapaalla ddoomuddivella yeekha.

Ezekiele 16:30

Apwiya Mulluku enallota wi, “Murimaawo tti woofooka wunchichi ekaamba yawi vaweerani ddenndda wonanko mutthiyana ooraruwa oohiwulliwa muru.

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Hoseya 2:8

Khaadduwella wi tti miyaano kamuvaha tirigu, vinyo ni makhura. Khaadduwella wi tti miyaano kamuvaha siliva ni golide munchichi oyo athu yapangelliwa nifano na Baala.

Miyambo 28:5

Athu oonanara kheniiwesesa echiweruzo koma ayo enawaashaasha Apwiya enniiwesesa wunchichi.

Yesaya 42:20

Wohoona ddinchichi koma khonaddipwatha, Maarwaawo tti oohulla koma khoniiwa.”

Yeremiya 35:16

Anamwani a Yonadabu mwaana a Rekabu, yahiiwellella lamulo nno nikhollo niwa nawinnyalliiwa koma nyu khemwaakiiwellelle.

Yeremiya 50:6

“Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.