Yeremiya 9:8 - Mawu a Mulluku

⁸ Nllumi niwa niri wonanko mpaamba wootthokowa, enthawi ddittheddene ennakhallella woottha. Arive muthu annallota mwamurendelle ni mukhwaaye, koma m'murimani mwaye muddanlle echiwembu.

Yeremiya 9:8 ပူးပေါင်းရင်းမြစ်များ

Masalimo 28:3

Muhikivenyihelle nimodda ni athu aweera ddoonanara, ayo eneera ddoolleka, ayo enallota ddamurendelle koma m'murimani mwiwa muddanlle ddawiitana.

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Masalimo 120:3

Nyu athu oolleka munaavahiwe tini? Ethiyo munaaweerelliwe tini?

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

Yeremiya 9:5

Arive muthu anamoottottha mukhwaaye, khanallota ddawoona. Eyano ddiwa yaaddiddollweelliha woottha, ennaddivelliwa wunchichi ddoonanara sika wi kheworattho olapa.

Yeremiya 5:26

“Vawi variyari va athwaaka vookhalla oonanara. Enniipittha wonanko oophara epallame nave ennareya misampha wi yaaphare athu.

Masalimo 64:8

Aneerowoononga ekaamba ya ddoollota ddiwa, attheene oowoona eneerotikha muru.

Masalimo 35:20

Alliwa khenallota mwamurendelle, koma enaapanganella ddoonanara ookonda murendelle.

Miyambo 25:18

Muthu oyo anavelleella omboni wawoottha wa mukhwaaye tti wonanko ekoonda, nsupada apaalle mpaamba wootthokowa.

Yeremiya 9:4

Arive muthu achenjere ni mukhwaaye, ahimuroromelle naari mbalaaye. Ddawoona, arive muthu annamulleka mbalaaye, annamullota mukhwaaye.

Mika 6:12

Athu eeyuuma tti eechiwawa. Athu attheene tti awoottha ni oolleka.

Masalimo 12:3

Apwiya, tiyellani eyano ddittheddene ddawoottha, hiihani nirive nllumi nawiitukhulla.

Masalimo 62:5

Murimaaka onnamaalleya omutiyerella Mullukuve. Ovullusiwa waka onavenyera wa olliye.

Yeremiya 5:9

Ethiyo ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla?