Yeremiya 9:6 - Mawu a Mulluku

⁶ Ennatthinddaanyera machimo vaddullu va machimo makhwiiwa, woottottha va woottottha okhwiiwa. Apwiya yaallota wi, “Athu ennakhoota okidduwella.

Yeremiya 9:6 ပူးပေါင်းရင်းမြစ်များ

Yeremiya 13:10

Athu oonanaraalla aakhoota wiiwellella mawaaka yahumma murima, yaathwara milluku ddimodda ni oddillapella. Alliwa enaakhalle wonanko ekuwo yoohikhalla ni muttekoolla.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Yeremiya 5:27

Enyumba ddiwa ddooddalla ni eyuuma yoophwanya mwawoottha wonanko echisangala yooddalla ni epallame. Tti ekaambeene yootthattuwa oovuwa ni eeyuuma.

Miyambo 1:29

vawi mwahiita ezeru nave khemwaatthoonlle owoova Apwiya.

Miyambo 1:24

Kookhalla kiwiithanakani koma khemwaakaapenlle maaru, kahookolla nnatta koma khemwaakipwathille.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

1 Samuele 2:12

Anamwani a Eli yaari oonanara, oohaadduwella Apwiya.

Yesaya 1:3

Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”

Yeremiya 11:10

Aahokollweellattho o machimo a makhollwiiwa alle yakhootille okiiwellella vawi enathwara ni ollapella milluku ddimodda. A o Israele ni a o Yuda aatathilla echipangano eyo kakeraatthihalleemi ni makhollwiiwa.

Yesaya 1:25

Kineerotukhulla muwonwaaka wi killipane ni weyaano. Kineeroweeka machimwaawo ni waahuwa wonanko enahuwelliiwa murawa.

Yesaya 4:4

Vaavo Apwiya enaakhalle yaahapihalle athu a o Ziyoni ni ovenyihavo ddoonanara ddiwa nave enaakhalle ehuwalle nikhame nno nahelliwe mu Yerusalemu. Eneere ddenndda ni munepa waweeruza ni waweelliha ni munllo.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”