Yeremiya 9:5 - Mawu a Mulluku

⁵ Arive muthu anamoottottha mukhwaaye, khanallota ddawoona. Eyano ddiwa yaaddiddollweelliha woottha, ennaddivelliwa wunchichi ddoonanara sika wi kheworattho olapa.

Yeremiya 9:5 ပူးပေါင်းရင်းမြစ်များ

Habakuku 2:13

Ngoona, mitundu dda athu waddigonjihalleewe ddapharelle mutteko nivuddo, erive ello emakilliiwa tti wonanko ekhuni dda viikho. Apwiya Amasiva Mattheene sika yeerille ddenndda.

Mika 6:12

Athu eeyuuma tti eechiwawa. Athu attheene tti awoottha ni oolleka.

Yesaya 57:10

Munnatopa ni mutunda muneeteenyu koma khamunatathilla murima. Munnaphwanya masiva mamodda wawi khemwaafooka naari vang'ono.

Yobu 15:5

Machimwaawo ennalamulella eyanwaawo, onaddiipitthiha vawiishani nllumi.

1 Timoteo 4:2

Ehuddiho ddennddo ddinavuwihiwa ni oohoollosa awoottha ayo yawuupusella murimiiwa tti yookhwa wonanko yoosiwe ni musivello.

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

Mika 6:3

Apwiya enallota wi, “Nyu athwaaka, kiweerenlleni tini? Ethiyo kuutopihalleni ni tini? Pepaani, kaakhulleni.

Ezekiele 24:12

naari ori wookatamiha weelliha vawi murawa khonavenyihiwa ni munllo.

Yeremiya 9:8

Nllumi niwa niri wonanko mpaamba wootthokowa, enthawi ddittheddene ennakhallella woottha. Arive muthu annallota mwamurendelle ni mukhwaaye, koma m'murimani mwaye muddanlle echiwembu.

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Yesaya 5:18

Otulli wa athu ayo eniimakellella ni machimo wonanko mikwe ni woottha wiwa, ayo ehinawora wiittaphulla o machimwiiwa.

Miyambo 4:16

Vawi khenakona ophiyera yeerille ello yoonanara. Ekhove kheddinawa ophiyera emukwakwatuwihalle mmodda.

Masalimo 140:3

Ennaandusa nllumi niwa wi nikhalle wonanko na enowa, muwano mwiwa mookhalla nttipwi na enowa ya namarawe.

Masalimo 64:3

Alliwa ennaandusa nllumi niwa wonanko nsupada, ennavokha mawu oohoma wonanko mipaamba.

Masalimo 50:19

Khonoova ollota ddoonanara ni eyanwaawo, nllumi nawo ninnallota ddawoottha.

Masalimo 7:14

Ddawoona, athu oonanara, ennakusa erukullu ya ddoonanara, ennarupalla makhallello oonanara, ennayara mitteko ddoolleka.

Yobu 11:3

Ethiyo otokollolla ttuuwaamaka athu vayanoni? Ethiyo waavevullaka ahikhallevo awuuhumullulla?

Genesis 19:11

Vatulli viwa yahaallaka ni ohoona allopwana attheene ayo yiimellille vaattemvo, asombwe ni awuulluvalleene vawi kheyaaworillettho woona mullako.

Masalimo 52:3

Onnakonda ddoonanara okhwaranya ddaphaama, onnaddivelliwa ddawoottha okhwaranya ddawoona.

Yeremiya 7:28

Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Yeremiya 12:6

Naari abalaawo ni a munibanjani mwawo alliwattho ennuulleka, attheenaayo enniiwanana va owiipa mullatu, ohaakhulupilile naari elloteve mawu ooddiva.”

Yeremiya 12:13

Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”

Yeremiya 13:23

Ethiyo Mkushi ttuusintha mooneyello a mwiillaaye apaalle nanthavi mankhaangaaye? Sika wi nyu ooddollweella ochimwanyu ttuuwora mwawiidde weera ddaphaama?

Yeremiya 51:58

Esiri dduullupalli dda Babiloni ddineeropwaramwasiwa, millako ddaye ddoorekama ddineerewoosiwa. Mitundu dda athu ddapharelle mutteko nivuddo, athu yaarimoona wiitopiha voomakani, vano ddinasha ni munllo.”

Yeremiya 51:64

Nave wallote wi, ‘Mmu sika Babiloni aneereeye apwinelle. Khawa avenyattho ekaamba ya ddawoopiha ddittheddene kinammorihelleemi.’ ” Mawu a Yeremiya emallelle vaava.

Malaki 2:10

Ethiyo attheenehi ttiitthiihu khahiyo mmodda? Ethiyo khahiyo Mulluku mmoddave aniphatusalle attheene? Ethiyo vano kaambiiwa tini nihinaroromellanaahu mmodda ni mukhwaaye nave kaambiiwa tini nihinasungeehu echipangano eyo Mulluku akeraatthihalleeye ni makhollwaahu?

Oweeruza 2:10

Mbado muttheenooyo waakhwa. Vano vatulli viwa vaaphatuwa mbado mmodda oyo wahaadduwenlle Apwiya apaalle mitteko ddiwa nnddo yaweerelliiwa Aisraele.

Miyambo 12:5

Maganizo a athu oolungama tti awookowa koma malangizo a oonanara tti oolleka.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”