Yeremiya 9:4 - Mawu a Mulluku

⁴ Arive muthu achenjere ni mukhwaaye, ahimuroromelle naari mbalaaye. Ddawoona, arive muthu annamulleka mbalaaye, annamullota mukhwaaye.

Yeremiya 9:4 ပူးပေါင်းရင်းမြစ်များ

Yeremiya 6:28

Attheene tti eetiyamaaru oowukila, anawunawu, awumma wonanko mukuwa ni mukoko ni aweera ddoonanara.

Mateyu 10:21

“Athu eneerewaakusa yaavelleelle asinniwa wowiiphiwa ni attiitthiiwa eneereweera emoddamoddave yeeyo wa aniiwa. Nave anamwani eneerewaawukila makhollwiiwa wi ewiiphe.

Levitiko 19:16

Muhinakhallaka nawunawu. Nave muthu mmodda akhalla ni mullatu muvelleelleke omboni wawoona wi mumukavihere wakhalla wooworeya. Mi tti Apwiya.

Yeremiya 12:6

Naari abalaawo ni a munibanjani mwawo alliwattho ennuulleka, attheenaayo enniiwanana va owiipa mullatu, ohaakhulupilile naari elloteve mawu ooddiva.”

Miyambo 25:18

Muthu oyo anavelleella omboni wawoottha wa mukhwaaye tti wonanko ekoonda, nsupada apaalle mpaamba wootthokowa.

Miyambo 10:18

Anavittha wiitana tti a eyano yawoottha nave oollota miseche tti ookarangeya.

Masalimo 15:3

Tti oyo ahinatetemura aallotaka, oyo ahinaweerella akhwaaye ddoonanara, oyo ahinamullota miseche mukhwaaye.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Luka 21:16

Makhollwaanyu, asinninyu, abalaanyu ni akhwiinyu, eneerewuumakani nave amoddanyu eneerowiiphani.

Mateyu 10:17

Chenjerani vawi vineerokhalla ayo enuumakeni nyuwaano ni wuukusellani vanthatoni namillatu nave eneerewuuwashullani mu enyumba ddamavekello.*

Ezekiele 22:9

Mwa weyaano mookhalla anawunawu wi ewiiphellevo akhwiiwa, amodda oocha ddoovelleelliwa mikutho o mafano ni athu amodda aweera ddoonanara.

Miyambo 6:19

mboni awoottha ni owoopaniha athu miru.

Miyambo 6:16

Ddeko dditthanu ni emodda apaalle dditthanu ni piilli nnddo Apwiya eniitananiiwa nave ehiniiwananiiwana tti

Masalimo 101:5

Muthu oollota ddoomunanariha mukhwaaye okhwipi kineeromumaalliha, ookota ni awiitukhulla ngimuhiyerera.

Yesaya 59:13

Nyu Apwiya, nohuuwukilani, nohuukhootani, nohuuhiyani, nohaambiha ddoonyingallella ni ddeechiwawa nave m'murimani mwahu munnavenyera ddooganiza ni ddoollota ddoolleka.

Yeremiya 9:8

Nllumi niwa niri wonanko mpaamba wootthokowa, enthawi ddittheddene ennakhallella woottha. Arive muthu annallota mwamurendelle ni mukhwaaye, koma m'murimani mwaye muddanlle echiwembu.

Malaki 2:10

Ethiyo attheenehi ttiitthiihu khahiyo mmodda? Ethiyo khahiyo Mulluku mmoddave aniphatusalle attheene? Ethiyo vano kaambiiwa tini nihinaroromellanaahu mmodda ni mukhwaaye nave kaambiiwa tini nihinasungeehu echipangano eyo Mulluku akeraatthihalleeye ni makhollwaahu?

Miyambo 4:16

Vawi khenakona ophiyera yeerille ello yoonanara. Ekhove kheddinawa ophiyera emukwakwatuwihalle mmodda.

Miyambo 4:17

Weera ddoonanara sika ocha wiwa, echiwawa sika owirya wiwa.

Yesaya 9:16

Vawi ayo enaahoollella athwaalla sika enaahollosa nave oohoollelliwaayo ennarimeella.