Yeremiya 9:26 - Mawu a Mulluku

²⁶ Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

Yeremiya 9:26 ပူးပေါင်းရင်းမြစ်များ

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Levitiko 26:41

Valle ekaamba ya ddenndda miyaano kaavaanyihana kiwiikarihella mu ellapo ya adaniiwa. Vano yiiyeviha weekhiiwa, athu awumma mirimaalla nave yaakhullella ollakiwa ekaamba ya machimwiiwa.

Ezekiele 44:7

Mwahaavollochiha mu nipuro naka naweella alleto oohiphaddiwa m'murimani ni m'mwiillini mwene. Athwaayo yaaripiha enyumbaaka nyuwaano mwakivaheenyu yoocha, makhura ni nikhame. Vaweerani ddoonanara ddenndda mwaatathilla.

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Yeremiya 49:32

“Ekamira ddiwa ni eziweto ddiwa ddinchichi ddineerewaakhiwa. Kineerowiikarihella o ezigawo sese ddittheddene attheene oophaddera mphattamaaru. Kineerewaarumihella ddawoopiha ovenyera o ezigawo ddittheddene.

Ezekiele 44:9

“Vano mi Apwiya Mulluku kinallota wi, ‘Mwa alleto ayo eri oohiphaddiwa m'murimani ni m'mwiillini ahikhallevo naari mmodda oovollowa mu nipuro naka naweella naari alleto ookhalla variyari va Aisraele.’ ”

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Yeremiya 10:1

Nyu Aisraele, ngiiwani mawu ayo Apwiya enallotiiwa ni nyuwaano.

Yeremiya 40:11

Ayuda a o Mowabu, a o Amoni ni a o Edomu ni a o ellapo ddimodda, alliwattho yahiiwa wi mwene a o Babiloni ahaahiyawo athu amodda o Yuda nave wi ahaahiyera Gedaleya mwaana a Ahakimu, edduullu ya Shafani, akhalle awaalamulella.

Ezekiele 31:18

“Variyari va miteekho dda o Edeni, ethiyo waakhallavo naari mmodda woophwanaphwana ni oriiheya wawo nave wunnuwa wawo? Komathi weyaano oneerokitthella o ellapo ya ookhwa vamodda ni miteekho ddimodda ddittheddene dda o Edeni. Oneerokonaatthi vamodda ni awiiphiwa okhotoni, mulloko wa oohiphaddiwa! Muteekhooyo tti mwene a o Iguputo vamodda ni athwaaye. Mi Apwiya Mulluku koollota.”

Ezekiele 32:19

Waakohe wi ‘Ethiyo nyuwaano tti ooreera waakhwaranya amodda? Mukitthelle o mahame vamodda ni amodda attheene oohiphaddiwa.