Yeremiya 9:25 - Mawu a Mulluku

²⁵ Apwiya enallota wi, “Mallapo enimawa mvo kinaallakeemi attheene oophaddiwa ayo m'murimani mwiwa ehinapwathawo.

Yeremiya 9:25 ပူးပေါင်းရင်းမြစ်များ

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Ezekiele 28:10

Oneerokhwa wonanko muthu oohiphaddiwa m'mattani mwa athu eelleto. Mi koollota ddenndda. Ddawoona mi Apwiya Mulluku koollota.”

Aroma 2:28

Muyuda awoona khahiyo oyo anooneya wonanko Muyuda. Nave ophaddiwa wawoona kohiyo nko onooneya vamwiillini vaye.

Aroma 2:29

Koma Muyuda awoona tti muthu oyo ari Muyuda muwari, oophaddiwa m'murimani mwaye. Nave ella eneereya ni Munepa a Mulluku, ohiri ni malamulo oolembiwa. Muthu yooyo annatetheelliwa ni Mulluku, ohiri ni athu.

Levitiko 26:41

Valle ekaamba ya ddenndda miyaano kaavaanyihana kiwiikarihella mu ellapo ya adaniiwa. Vano yiiyeviha weekhiiwa, athu awumma mirimaalla nave yaakhullella ollakiwa ekaamba ya machimwiiwa.

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Ezekiele 31:18

“Variyari va miteekho dda o Edeni, ethiyo waakhallavo naari mmodda woophwanaphwana ni oriiheya wawo nave wunnuwa wawo? Komathi weyaano oneerokitthella o ellapo ya ookhwa vamodda ni miteekho ddimodda ddittheddene dda o Edeni. Oneerokonaatthi vamodda ni awiiphiwa okhotoni, mulloko wa oohiphaddiwa! Muteekhooyo tti mwene a o Iguputo vamodda ni athwaaye. Mi Apwiya Mulluku koollota.”

Levitiko 19:27

Muhiphaddereke mphattamaaru apaalle mukhwipi mwa ereru ddanyu.

Yeremiya 25:23

o Dedani, o Tema o Buzi ni wa attheene oophaddera mphattamaaru.

Yeremiya 49:32

“Ekamira ddiwa ni eziweto ddiwa ddinchichi ddineerewaakhiwa. Kineerowiikarihella o ezigawo sese ddittheddene attheene oophaddera mphattamaaru. Kineerewaarumihella ddawoopiha ovenyera o ezigawo ddittheddene.

Ezekiele 44:7

Mwahaavollochiha mu nipuro naka naweella alleto oohiphaddiwa m'murimani ni m'mwiillini mwene. Athwaayo yaaripiha enyumbaaka nyuwaano mwakivaheenyu yoocha, makhura ni nikhame. Vaweerani ddoonanara ddenndda mwaatathilla.