Yeremiya 9:24 - Mawu a Mulluku

²⁴ Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

Yeremiya 9:24 ပူးပေါင်းရင်းမြစ်များ

2 Akorinto 10:17

Nave mawu a Mulluku eni, “Oyo anapaalla wiitukhulla, iitukhulleke ni nnddo ddeeriwe ni Apwiya.”

Agalatiya 6:14

Nave miyaano kinakotella dda mutandave wa Apwiihu Yesu Khrisitu; vawi ekaamba ya mutandaaye, ellapo yavatthi wa miyaano tti yookhwa nave miyaano tti ookhwa o ellapo yavatthi.

1 Akorinto 1:31

Sika vano, wonanko mmo mawu a Mulluku yalembelliwiiwa wi, “Oyo anapaalla wiitukhulla, iitukhulleke ni nnddo ddeeriwe ni Apwiya.”

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Masalimo 44:8

Ninnamukotella Mulluku enthawi ettheene, ninnathokoza nnddina nanyu wa enthawi yoohimalla.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Masalimo 51:1

Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Masalimo 91:14

Kineeromuvullusa anakiwandeellella miyaano mweechikondi, kineeromuteteza kaambiiwa annadduwella nnddina naka.

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Yesaya 41:16

Oneerewaaveettha ni waavaviha ni ephevo, eneeromwareya ni namondwe. Koma weyaano oneerohakallalla ekaamba yawi miyaano tti Mullukwaawo. Oneerophwanya ntitimiho ekaamba ya miyaano Aweella a Israele.

Aroma 5:11

Khe yeeyove komattho ninnahakallalla mwa Mulluku oweella mwa Apwiihu Yesu Khrisitu oyo anaattanihalle ni Mullukooyo.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yesaya 61:8

Apwiya enallota wi, “Mi kinnakonda echilungamo, kinniitana ni ddawiiya ni ddoonanara. Athwaaka kineerewaathuva moororomelleya, kineerokeraatthihana echipangano yoohimalla.

Masalimo 99:4

Nyu mwene amasiva, ookonda echilungamo, mookeraatthiha ddoollikana, weeruza woolungama mwa Yakobo.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Yesaya 45:25

Mwa mi Apwiya edduullu dda Israele ddineerolungamihiwa ni ohakallallihiwa.”

Masalimo 20:7

Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

Masalimo 34:2

Okumaaka oneerewaakotella Apwiya, oohoosiwa yiiwe nave ehakallalle.

Yesaya 20:5

Vano attheene yaroromella ellapo ya Kushi navettho yiitukhulla ekaamba ya ellapo ya Iguputo, eneeromoriwa ethakaraka ni owulliwa muru.

Yeremiya 22:16

Yaanaateteza athu avatthi ni oohoowa, ddittheddene ddaanaweetella phaama. Ethiyo ddenndda khaddoonihalle wi yaanakidduwella? Mi Apwiya koollota.

Masalimo 34:3

Hankoni niwunnuwihe Apwiya, nitetheelle nnddina niwa.

Masalimo 44:9

Komave nyuwaano moonikhoota nave mooniwulliha muru, khamwaathaananena akhotwaahu.