Yeremiya 9:23 - Mawu a Mulluku

²³ Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Yeremiya 9:23 ပူးပေါင်းရင်းမြစ်များ

Yesaya 5:21

Otulli wa athu ayo enaddeesa wi tti eezeru ni oochenjeresesa.

Oollalleya 9:11

Kohoonattho vatthimva wi oopambana voothamakani khe yaayove enathamaka wunchichi, oopambana vakhotoni khe yaayove enallipa, ookhalla ni yoocha khe yaayove eri ni ezeru, eeyuuma khe yaayove edduwenlle ddinchichi nave khe yaayo enakondelliwa eri ni eruso. Attheenaayo ekari enaamorella va enthawiiwa.

Aroma 1:22

Alliwaayo enaddeesa tti athu eezeru koma tti ookarangeya.

Ezekiele 7:19

Eneeromutathilla siliviiwa m'misewuni nave eneeromoona onanara golidiiwa. Siliviiwa ni golidiiwa khawora waavullusa va nllapo nno Apwiya enaawoonihiiwa owalliiwa. Eyuumiiwa kheyaakavihera omalliha ettalla apaalle waavoniha vawi tti yeeyo yaahiyalle m'machimoni.”

Miyambo 11:4

Eyuuma khenakavihera va nllapo na osha murima koma echilungamo sika enavullusa wuukhwaani.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Masalimo 62:10

Muhiroromelleke dda echiwawa wi ddineerewuukaviherani, muhiganize wi wiiya muneerophurana ello, eyuuma yaata muhinahiyavo murima.

Deuteronomo 8:17

Vano muhiganizeke wi masivavaanyu ni ekophollo ddanyu sika dduuvahilleni eyuuma.

1 Timoteo 6:10

Vawi ddinaambiha ddoonanara ddittheddene tti echikondi ya makobiri. Ekaamba ya yeella, amodda yaatathilla echikhulupililwiiwa ni wiikusella ddoovoreya ddinchichi m'murimani mwiwa.

Mariko 10:24

Oohudderaayo yaattikhina ni mawaalla nave Yesu aallotave wi, “Akhwaaka, tti wookatamiha wi muthu eeyuuma avollowe mu omwene wa Mulluku!

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Ezekiele 29:9

Ellapo ya Iguputo eneerotthattuwa echipululu, yoohikhalla ni athu. Vano eneerodduwella wi mi tti Apwiya. “Waallota wi Nailo tti aawo wamuphatusalle tti weyaano.

Yesaya 10:8

Olliye anallota wi, “Ethiyo oohoollellaaka attheene akhoto kheri wonanko mamwene?

Oollalleya 2:19

Anadduwella ttaani wi muthu yoolla anaakhalle eezeru apaalle ookarangeya. Komave yoolla anaakhalle oolamulella mitteko ddittheddene nnddo kaddeerilleemi vatthimva mweezeru ddaka. Ddennddattho khaddinna mutteko.

1 Samuele 17:42

Nave Mufilisti amuwehille Davidooyo ahaamba omuvevulla vawi aari musombwe a mwiilli woofiira nave ekhove yooreera.

Daniele 3:15

“Mwaakhullella wi mwiiwa winlla wa nipallapata, echitoliro, zeze, ethangara, gitala wizilo ni wiipa wa mitundumitundu, muneeropopheya erukullu vatthi ni ollapella nifano nagolide nno kiniimenseemi, ddaphaama. Koma mwaahinillapella muneerovokhiwa mu eng'anjo yamunllo. Vano ethiyo tti mulluku oovi anuuvulluseni m'mattani mwaka?”

1 Akorinto 1:31

Sika vano, wonanko mmo mawu a Mulluku yalembelliwiiwa wi, “Oyo anapaalla wiitukhulla, iitukhulleke ni nnddo ddeeriwe ni Apwiya.”

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

Afilipi 3:10

Kinapaalleemi tti yawi kimudduwelle Khrisitu nave masiva a ovenya waye wa ookhwa navettho kikhallena mu ddoohoosa ddaye nave kikhalle wonanko olliye mu okhwa waye,

Yobu 32:13

Muhiilleke nyookha wi, ‘Hiyaano noophwanya ezeru, Mulluku sika anaamugonjihe, ohiri muthu.’

Miyambo 3:5

Aroromelle Apwiya ni murimaawo muttheene. Ohinaroromellaka nnddo onaganizeewe wi onnadduwella.

Miyambo 21:30

Khaviri ezeru wiiwesesa apaalle malangizo owaapambana Apwiya.

Yesaya 20:5

Vano attheene yaroromella ellapo ya Kushi navettho yiitukhulla ekaamba ya ellapo ya Iguputo, eneeromoriwa ethakaraka ni owulliwa muru.

Yesaya 47:10

Waaniitukhulla ni onanara wawo, waganiza wi khaavo awoona. Owaraalla wawo ni ezeru ddawo ddahuuhollosa, m'murimani mwawo waallota wi, ‘Tti meeneve, khaavottho mmodda okipatula miyaano.’

Yeremiya 48:7

“Nyu muneerophariwattho vawi mwaroromella mitteko ddanyu ni eyuumaanyu. Kemoshi, mullukwaanyu, aneerophariwa okaporo ni allupa mukuthwaaye ni enduna ddaye.

Yeremiya 49:4

Nyu athu oohiroromelleya, kaambiiwa tini muniitukhullella tini ni matapwaanyu? Kaambiiwa tini mwaroromelleenyu eyuumaanyu voollotani wi khaavo anaallipane ni nyuwaano?

Yobu 41:15

Etullaaye yookhalla ni makakharunya, oollutellellana nave oollipa wonanko nlluku.

Masalimo 33:5

Alliwa ennakonda echilungamo ni echiweruzo yoohiweha ekhove, ellapo yavatthi yooddalla ni echikondiiwa yoohisintheya.

Masalimo 34:3

Hankoni niwunnuwihe Apwiya, nitetheelle nnddina niwa.

Masalimo 44:9

Komave nyuwaano moonikhoota nave mooniwulliha muru, khamwaathaananena akhotwaahu.

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Yeremiya 48:14

“Ethiyo munawora mwawiidde ollota wi, ‘Hiyaano sika oovuwa, allupa ekhoto amasiva?’

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.