Yeremiya 9:2 - Mawu a Mulluku

² Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Yeremiya 9:2 ပူးပေါင်းရင်းမြစ်များ

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Hoseya 4:2

Ennallupella mwawoottha, ennallota ddawoottha, enniipha, enniiya ni oraruwa. Machimo aattepa nave enniiphanana.

Hoseya 7:4

Attheenaayo tti oohiroromelleya wiita wiwa tti wookhara wonanko munllo wa mu ufuni oyo oomwaapeya buledi ahinattettheereeye waambeella ovillika mitthi dda buledi ophiyera buledooyo afufumalle.

Yeremiya 12:6

Naari abalaawo ni a munibanjani mwawo alliwattho ennuulleka, attheenaayo enniiwanana va owiipa mullatu, ohaakhulupilile naari elloteve mawu ooddiva.”

Yeremiya 12:1

Nyu Apwiya kaavaanyanaka ni nyuwaano, ddawoona, awoona munaakhalle nyuwaano, komave kineerewuukhupanyellani dda mullatwaaka. Ethiyo kaambiiwa tini athu oonanara ddeko ddinaweetelliiwa phaama? Ethiyo kaambiiwa tini oolleka enakhalliiwa mwamurendelle?

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Malaki 2:11

Athu a o Yuda kheroromelleye nave aheera yoonanara mu Yerusalemu owaaka ellapo ettheene. Aaripiha enyumba yookondiwa ni Apwiya vawaatthellani atthiyana oollapella mulluku eelleto.

Zefaniya 3:4

Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.

Hoseya 6:7

Koma athwaayo aatathilla echipanganwaaka wonanko mmo eerelle Adamu. Sika yaakeerella ddoohiroromelleya.

Hoseya 5:7

Yaheera ddoohaaroromella Apwiya wawi aniiwattho khe a Apwiya. Vano Ehakallallo ya Wooneya wa Mweeri eneerowoononga vamodda ni emata ddiwa.

Yeremiya 5:11

Athu a o Israele ni a o Yuda attheene tti oohiroromelleya vamiitthoni vaka, mi Apwiya koollota.”

Yeremiya 13:22

Apaalle ttuuwiikoha wi kaambiiwa tini ddenndda dduumorenlliiwani. Ekaamba ya machimwaanyu awoopiha ddoowara ddanyu ddohaahulliwa nave moopharelliwa.

Mika 6:12

Athu eeyuuma tti eechiwawa. Athu attheene tti awoottha ni oolleka.

Malaki 2:14

Nave munnakoha wi, “Kaambiiwa tini ehinaddaakhullelliiwa?” Tti ekaamba yawi Apwiya yaakhallella omboni echipangano ya variyari va weyaano ni mwaariyo a esombwaawo wa oyo ohiroromelleyeewe naari ari mukhwaawo ni mwaariyo a echipangano.

Oweeruza 2:10

Mbado muttheenooyo waakhwa. Vano vatulli viwa vaaphatuwa mbado mmodda oyo wahaadduwenlle Apwiya apaalle mitteko ddiwa nnddo yaweerelliiwa Aisraele.

Yesaya 59:3

Vawi mattaanyu yooripihiwa ni nikhame na machimo manchichi. Eyano ddanyu ddoollota ddawoottha ni ddoonanara.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.