Yeremiya 9:19 - Mawu a Mulluku

¹⁹ Ngiiwani winlla woovenyera o Ziyoni enallota wi, “Otulli, nohoonongeya! Noowulliwa muru wunchichi, Ninaphwanella nihiye ellapwaahu, kaambiiwa enyumba ddahu aaddikumulla.”

Yeremiya 9:19 ပူးပေါင်းရင်းမြစ်များ

Yeremiya 4:13

Ngoonani, adani enimawa wonanko mirapo nave magaretiiwa ennathamaka wonanko namangalle. Akavalwiiwa ennathamaka wunchichi okhwaranya mipungu. Otulli, nohoonongeya!

Deuteronomo 28:29

Nave muneerekewaashaasha ettilla nndduwa noopaka wonanko muthu oohoona. Erive ello munaapharekeenyu khamuphurakana ello. Munaakhallelleke ohoosiwa ni wiiyeriwa nave khaavo naari mmodda anuukavihereni.

Mika 2:10

Timullani, venyanivo, nna khe nipuro nawiithuuwellavo. Machimwaanyu aaripiha nipuronna, aawiiha woonongeya wawoopiha.

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

Maliro 5:2

Yoohallanaahu yoovelleelliwa wa alleto, enyumba ddahu ddiri m'mattani mwa athu oovira.

Maliro 4:15

Athu yaanaakhuwella wi, “Khaweni nko! Ooripihiwanyu, muhinittannye!” Sika yaathawa, eneeteeta, nave athu a mitundu ddimodda yaallota wi, “Ehikhallettho ni hiyaano.”

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Yeremiya 2:14

“Ethiyo Israele tti oorumeyella? Ethiyo ayariwe wonanko kaporo? Kheddiiddo! Kaambiiwa tini emoonongilliiwa ddiidda?

Levitiko 20:22

“Sika vano muthwareke malamulwaaka nave mwiiwellelleke ddittheddene kinuulamuleemini wi ellapo munayeenyu wi mwakhallekemweeyo ehuurapheyeni.

Levitiko 18:28

Muheere ddenndda wi ellapo ehuurapheyeni mwayiripiha wonanko mmo yaarapheyelliiwa athu ayo yaari mwemmo nyuwaano muhinaphiye.

Levitiko 18:25

Ddenndda ddaaripiha ellapo sika wi kaallaka nichimo niwa nave ellapweeyo yahaarapheya athu ookhalla mwemmo.

Yeremiya 7:15

Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Yeremiya 7:19

Eneesa wi enakikatamiha miyaano koma eniikatamiha weekhiiwa ni wiiwulliha muru.

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yesaya 32:9

Nyu atthiyana oohikhupanya erive ello, apellani maaru o nnddo kinalloteemi.

Ezekiele 27:2

“We mwaana a muthu, ipa nchipo namaliro a Tiro.