Yeremiya 9:16 - Mawu a Mulluku

¹⁶ Kineerewaapallallesa variyari va mitundu dda athu nnddo alliwa apaalle makhollwiiwa yahiddidduwenlliiwa. Kineerewaathwara ni ekhoto ophiyera kaatthollosille.”

Yeremiya 9:16 ပူးပေါင်းရင်းမြစ်များ

Ezekiele 5:12

Emodda mwa ezigawo ddiraru dda athwaanyu eneerokhwa ni mullilli apaalle ni ettalla. Echigawo emodda eneerewiiphiwa ni nsupada nawaapheella muzinda muttheene. Nave echigawo emodda kineeroyipallallesella ephevo o embali ddisesenndde voowiikarihani ni nsupada naka noohullulluwa.”

Ezekiele 5:2

Mallapwaawo awaapheella muzinda yamalla, okuse embali emodda mwa ddiraru ohelle munllo variyari va muzinda. Embali yaneepiilli oyiphaddephadde ni nsupada weetaka mwawaapheella muzinda muttheene. Embali yaneeraru oyimware wiiphevoni nave kineeroyithwara ni nsupada.

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Yeremiya 44:27

Kineerewoonesesa wi athu yaalla kiweerelle ddoonanara ohiri ddaphaama. Athu attheene a o Yuda ayo eri o Iguputo eneerewiiphiwa ni ekhoto, amodda enaakhwe ni ettalla, ophiyera kaatthollosille.

Yeremiya 13:24

Sika kineerewuumwarani wonanko mallulla oovava ni ephevo ya o chipululu.

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

Zekariya 7:14

Kahaapallallesa wonanko namangalle variyari va athu a mitundu ddimodda nnddo yahiddidduwelliiwa. Sika ellapwiiwa yaatthattuwa echipululu ni ntepe mwawi khaavo naari mmodda eetamo.”

Ezekiele 20:23

Kaallupella muchipululuni wi kineerewaapallallesella variyari va mitundu dda athu ni waamwarella o ellapo ddawoorekama

Ezekiele 14:17

Mwaamodda kaarumihe ekhoto o ellapo yeeyo ni olamula wi eye yawoononge athu ni enama mwiillaponimmo.

Ezekiele 12:15

Sika eneerodduwella wi mi tti Apwiya nave kineerewaamwaramwara variyari va athu a mitundu ddeelleto ni waapallallesella o ellapo ddinchichi.

Ezekiele 11:17

“Sika waalleelle athu wi mi Apwiya Apwiya Mulluku kinallota wi, kineerewaatthukumaniha ovenyera wa mitundu ddimodda, o ellapo nnddo kaapallalleselleemiwo wi kaahokolloselle o ellapo ya Israele.

Yeremiya 29:17

Apwiya Amasiva Mattheene enallota wi, ‘Kineerowiipha ni ekhoto, ettalla ni mullilli. Kineerewaatthattusa wonanko namukuyu awunta wunchichi, oohiphwanella omucha.

Yeremiya 25:27

Vano Apwiya yaakilleella wi, “Alleelle athu wi mi Apwiya Amasiva Mattheene, Mulluku a Israele, kinalamula wi, ‘Wiryani, lezelani, rapheyani, ikuhani oohivenyattho ekaamba ya ekhoto kinaarumiheemi variyari vanyu.’

Yeremiya 24:10

Kineerowiipha ni ekhoto, ettalla ni mullilli ophiyera attheene kaatthollosille mu ellapo eyo kaavahilleemi alliwa ni makhollwiiwa.”

Masalimo 106:27

eneeroddimwara edduullu ddiwa variyari va mitundu ddimodda ni oddipallallesella mu ellapo ddeelleto.

Nehemiya 1:8

Upuwellani mawu mwamulleelleenyu Mose oorumeyellaanyu wi, ‘Mwaahiroromelleyaka kineerewuupallallesani variyari va athu a mitundu ddimodda,

Deuteronomo 32:26

Kineerewaatthollosa attheenaayo, wi ehuupuwelliwe ni arive muthu.

Deuteronomo 28:36

“Apwiya eneeromwiikarihella o ellapo yeelleto mwenaanyu ni nyuwaano attheene nko muhinakhallekeenyuwo ovenyera khalle, nyuwaano ni makhollwaanyu. Wenko muneerekorumeyella milluku ddimodda, ddamiteekho ni ddamalluku.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Deuteronomo 4:27

Apwiya eneerewuumwarani variyari va mitundu ddimodda nave aweerengeyave mwa nyuwaano sika enaahalle variyari va mitundu ddimodda nko Apwiya enaawiikarelleniiwawo.

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Oollalleya 12:5

Oneerekewoova oya mapuro oowella nave weeta onaakhalle wawoopiha. M'muruni mwawo muneeromella embwi nave oneerokolephela wiithunya m'musewuni navettho osilila oneerewuumallella. Attheene nineeroya ninaakhallekeehuwo mallapo oohimalla nave narowa vineerokhalla winlla m'misewuni.

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Ezekiele 27:2

“We mwaana a muthu, ipa nchipo namaliro a Tiro.

Amosi 5:16

Sika ekaambiiwa Apwiya Mulluku Amasiva Mattheene enallotiiwa wi, “Muneerokhalla winlla m'mathatoni mutthemwene, m'misewuni mutthemwene ekuthove wi, ‘Kookhwa! Kookhwa!’ Naari athu shisha, oollima eneerowiithana wi yinlle, vamodda ni eeruso yawinlla vamalironi.

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’