Yeremiya 9:15 - Mawu a Mulluku

¹⁵ Ngiiwani vano nnddo mi Apwiya Amasiva Mattheene, Mulluku a Israele, kineereemi. Athu yaalla kineerewaachiha ddoomella ddoowaawa ni waawiryiha maaddi anttipwi.

Yeremiya 9:15 ပူးပေါင်းရင်းမြစ်များ

Yeremiya 8:14

Athu enakoha wi, “Kaambiiwa tini nineeriiwa moona okeraatthi? Hankoni attheene vamodda nithawelle o mizinda dda mipanda nakhwelle wenko. Apwiya Mullukwaahu aakamulla mullatu wi noophwanella okhwa aaniwiryiha maaddi anttipwi kaambiiwa nohaachimwella.

Maliro 3:15

Aakichiha ddoowaawa, aakiwiryiha tthuukwi.

Masalimo 80:5

Mohaachiha miitthori wonanko yoocha, mohaawiryiha miitthori wonanko yoowirya.

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Yawuupullulla 8:11

(Nnddina na etheneereeyo tti, “Owaawa.”) Emodda mwa ezigawo ddiraru dda maaddi yaatthattuwa oowaawa nave athu anchichi yawirya maaddaayo yaakhwa ekaamba ya owaawanko.

Maliro 3:19

Kinnuupuwella ddoohoosa ddaka ni ddookatamiha ddaka, ddiri wonanko yoowaawa nave nttipwi.

Yeremiya 25:15

Apwiya Mulluku a Israele, yaakilleella wi, “Omukuse kapu olla ooddalla ni owallaaka nave waawiryihe athu a mitundu ddittheddene nko kinaawurumeemi.

Yesaya 2:22

Muhimuroromellekettho muthu vawi okumaaye khonallekella omalla. Ethiyo muthu ari ni tini?

Yesaya 2:17

Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.

Masalimo 75:8

Ollaka wa Apwiya tti wonanko m'mattani mwiwa ooddalla ni vinyo ookhuma niphoru ni oowaawa. Ammimina vinyooyo oonanara attheene a va ellapo yavatthi eneeromuwirya, ophiyera yoombonlle ddoohalla mukapunimmo.

Masalimo 69:21

Yaakihellella nttipwi mu yoochaaka, yaakiwiryiha vinyo oonyuunya kaariimi ni nthona.

Masalimo 60:3

Mooweeriha athwaanyu wi yoone ddoohoosa. Mooniwiriha vinyo oolezeliha.

Deuteronomo 29:18

Moonesese wi vihikhalle oorukunuwa murima wi aahiye Apwiya Mullukwaanyu naari mullopwana, mutthiyana, nibanja apaalle nlloko mwa attheenenyu ni waamba ollapella milluku ddimodda. Weera ddiidda onaphwanaphwana ni musisi wooyara nttipwi ni echipaso yoowaawa.

Deuteronomo 28:36

“Apwiya eneeromwiikarihella o ellapo yeelleto mwenaanyu ni nyuwaano attheene nko muhinakhallekeenyuwo ovenyera khalle, nyuwaano ni makhollwaanyu. Wenko muneerekorumeyella milluku ddimodda, ddamiteekho ni ddamalluku.

Yeremiya 24:10

Kineerowiipha ni ekhoto, ettalla ni mullilli ophiyera attheene kaatthollosille mu ellapo eyo kaavahilleemi alliwa ni makhollwiiwa.”

Yeremiya 44:27

Kineerewoonesesa wi athu yaalla kiweerelle ddoonanara ohiri ddaphaama. Athu attheene a o Yuda ayo eri o Iguputo eneerewiiphiwa ni ekhoto, amodda enaakhwe ni ettalla, ophiyera kaatthollosille.

Yeremiya 49:37

Athu a o Elamu kineerowoopopiha vamiitthoni va adaniiwa ni va oyo anapaalla waatthollosa. Kineerewaashella murima wunchichi nave kineerowiikara ni nsupada ophiyera kaatthollosille.

Ezekiele 5:2

Mallapwaawo awaapheella muzinda yamalla, okuse embali emodda mwa ddiraru ohelle munllo variyari va muzinda. Embali yaneepiilli oyiphaddephadde ni nsupada weetaka mwawaapheella muzinda muttheene. Embali yaneeraru oyimware wiiphevoni nave kineeroyithwara ni nsupada.

Ezekiele 5:12

Emodda mwa ezigawo ddiraru dda athwaanyu eneerokhwa ni mullilli apaalle ni ettalla. Echigawo emodda eneerewiiphiwa ni nsupada nawaapheella muzinda muttheene. Nave echigawo emodda kineeroyipallallesella ephevo o embali ddisesenndde voowiikarihani ni nsupada naka noohullulluwa.”