Yeremiya 9:12 - Mawu a Mulluku

¹² Mi kaakoha wi, “Ethiyo eezeru ttaani oyo aniiwesese ddenndda? Nave Apwiya yamutthopoollelle aani wi aatthopoollelle amodda? Kaambiiwa tinittho ellapo yoonongeyelliiwa ni otthattuwa echipululu mmo muhinavira athu?”

Yeremiya 9:12 ပူးပေါင်းရင်းမြစ်များ

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Masalimo 107:43

Oyo ari ni ezeru iiwesese ddenndda, athu eganizelle dda echikondi yoohisintheya ya Apwiya.

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.

Yawuupullulla 1:3

Oodalisiwa tti muthu oyo aneerenga nibukhu nenna navettho oodalisiwa tti muthu oyo aniiwa ddoollotelliwannddo nave aneera ddilembiwe munibukhunimmu! Vawi enthawi yohaatamella yawi ddeko ddittheddenenndda ddeereye.

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Ezekiele 14:23

Mirima ddanyu ddineerokeraattheya moona mmo enaakhallellekiiwa nave enaawerellekiiwa sika muneerewiiwesesa wi ngimweerelle ddennddo Yerusalemu vihiri ekaamba. Mi Apwiya Mulluku koollota.”

Yesaya 42:23

Ttaani mwa nyuwaano oyo aniiwesese ddenndda, oyo anaapelle maaru ni opwatha muhoollommu?

Yeremiya 9:20

Mi kaallota wi, “Nyu atthiyana, iwellellani mawu a Apwiya, apellani maaru wi mwiiwe nnddo enallotiiwa. Ahuddiheni aniinyu aatthiyana winlla, ni akhwiinyu nchipo na maliro.

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yeremiya 23:16

Apwiya Amasiva Mattheene enaalleella athu wi, “Muhiiwellelle nnddo enallota anamallotella, alliwa enuullotellani ddawoottha. Nnddo enuulleelliiwani wi ennaddoona m'masomphenya tti dda m'muruni mwiwa, khe ddoollota dda Apwiya.

Yeremiya 23:22

Yakhanlleke ni miyaano va mutthukumanwaaka, yaaweerollalleya mawaaka wa athwaaka ni waavenyihamo athwaaka mu ettilla ddiwa ddoonanara wi ehiye machimwiiwa.”

Yeremiya 23:28

Namallotella alloha, atthopoollettho olloha wayenko. Koma oyo ari ni mawaaka, allalleye mawaakaayo mwawoona. Ethiyo mallulla ttuuphwanaphwana ni tirigu? Mi Apwiya koollota.

Yowele 1:11

Nyu oollima, tathillani murima nyu oollima mpesa, inllani vawi tirigu ni barele ni ddittheddene ddam'matani ddoolepheleya.

Zefaniya 3:6

Apwiya enallota wi, “Kohoononga mitundu ddittheddene dda athu, mipanda ddiwa dda akhoto kooddikumulla. Misewu ddiwa kooddoononga kheyiivottho ayo enaaweetemo. Mizinda ddiwa ddootthattuwa ntepe, khaavo naari muthu mmodda oyo ahanllemo.

Hoseya 4:10

Eneerekoocha koma khevonaka, eneerekoraruwa koma kheyaataka vawi ahaahiya Apwiya yiivelleella o ddooraruwa.”