Yeremiya 9:10 - Mawu a Mulluku

¹⁰ Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 9:10 ပူးပေါင်းရင်းမြစ်များ

Yeremiya 12:4

Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Ezekiele 33:28

Ellapweeyo kineeroyitthattusa ntthalla ni echipululu. Masiva awiitukhullella eneeromalla. Miyaango dda o Israele ddineerotthattuwa nihaka, muthu khawa aviramo.

Ezekiele 29:11

Khaniivo nnyallo na muthu apaalle na enama ninaanyingallevo. Oneerokhalla woohikhalla athu wa miyakha 40.

Ezekiele 14:15

Mwaamodda kaarumihe enama ddawoopiha wi ddeete mwiillaponimmo ni owoononga athwiiwa ophiyera ellapweeyo etthattuwalle echipululu yawi khaavo muthu aavirekemo ekaamba ya enama ddawoopihannddo.

Yeremiya 12:10

Abusa anchichi yahoononga emataaka yampesa, yaanyingallella emataaka, emataaka yaphaama yaayitthattusa ntepe.

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yeremiya 14:6

Embizi ddinniimella vamutundani ddihinna ello, ddinnavumella muddullu wonanko khatwe. M'mwiitthoni moowa epiphi ekaamba yoorama munyepu.”

Yeremiya 8:18

Okhupanya waka tti woohimalla, murimaaka woofooka.

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yesaya 49:19

Ddawoona, wootthattuwa ntepe, oyo wahiyiwe ni opallallesiwa, Koma vano ookhalla mwa weyaano eneerewaata, weyaano oneeroyeva, athu yawoonongillaalle eneerewuurekamella.

Yesaya 41:15

Kineerewuutthattusa magareta awuuputhella tirigu, anaanweene ni amiino awiisha. Oneerewuuputha miyaango ni oddinyenyanyenya, asimiyaango oneerewaatthattusa mallulla.

Yeremiya 50:3

“Mutundu wa athu oompoto woowuhella ekhoto muzinda wa Babiloni. Ellapwaaye eneeroyitthattusa ntepe nave wenko khowa okhalla muthu apaalle enama.”

Ezekiele 27:2

“We mwaana a muthu, ipa nchipo namaliro a Tiro.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 1:19

Nyu Apwiya, kinimawinllellani vawi munyepu woosha ni munllo miteekho ddamuhakani ddohaavuwa ekaamba yawi munllo wooddoononga.

Amosi 5:1

Nyu a nibanja na Israele, ngiiwani mawu kinuulleelleemini dda nyuwaano moowinlla awi,

Amosi 5:16

Sika ekaambiiwa Apwiya Mulluku Amasiva Mattheene enallotiiwa wi, “Muneerokhalla winlla m'mathatoni mutthemwene, m'misewuni mutthemwene ekuthove wi, ‘Kookhwa! Kookhwa!’ Naari athu shisha, oollima eneerowiithana wi yinlle, vamodda ni eeruso yawinlla vamalironi.

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

Yeremiya 2:15

Athu a mitundu ddimodda ennathuruma wonanko mikango, ellapwaaye yooyitthattusa matepe. Mizinda ddene yaaddoononga, ddaatthattuwa moohikhalliwa.

Yeremiya 12:11

Yaayitthattusa ntepe, enakinllella miyaano eri weekhiiwa. Ellapo ettheene yootthattuwa echipululu khaavo oyo anapwathawo.

Maliro 5:18

Mwaango wa Ziyoni wootthattuwa ntepe, akhatwe sika eneeteetamo.

Ezekiele 6:6

Orive weko munaakhallekeenyuwo, mizinda ddanyu ddineerotthattuwa matepe. Mapurwaanyu oollapellamo mattheene eneerewoonongiwa sika wi makuwaanyu ni mafanwaanyu eneeropwesiwa. Makuwaanyu awoosellamo lubani eneerokumulliwa nave ddittheddene mwapangilleenyu ddineeromalla.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.