Yeremiya 8:9 - Mawu a Mulluku

⁹ Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Yeremiya 8:9 ပူးပေါင်းရင်းမြစ်များ

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yobu 5:12

Annavirikaniha echiwembu dda oowaraalla wi ddoopaalla ddiwa ddihiphure ello.

Yeremiya 6:19

Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

Yesaya 19:11

Enduna dda mu muzinda wa Zowani tti ookarangeya nave alangizi eezeru a Farao enaganizera ddoolloddowa. Ethiyo munaawore mwawiidde omulleella Farao voollotani wi, “Mi tti mwaana a eezeru, mwaana a mamwene akhalle?”

Masalimo 19:7

Malangizo a Apwiya tti aphaama wunchichi, ennahihimulla okumi. Omboni wa Apwiya tti woororomelleya, onnaavaha ezeru ayo ehinna.

Deuteronomo 4:6

Mwaasungeke ni waathwara nave ella eneerowooniha athu a mitundu ddimodda wi nyuwaano tti athu eezeru ni owiiwesesa phaama ddeko.

2 Timoteo 3:15

nave onnadduwella wi waambeella khalle weyaano ori mwaana, woodduwella mawu aweella ayo enaawore wuuvaha ezeru ddawuuhoollella o echikhulupililo mwa Khrisitu Yesu wi ovullusiwe.

Ezekiele 7:26

Otulli oneerothwarana, vineerovuwa epilli yoohimalla. Athu eneerowaashaasha anamallotella wi yaallotelle ddamuhoollo, eneerorama allupa mukutho wi yaahuddihe malamulo nave attekweene kheyaalangizattho.

Yeremiya 49:7

Apwiya Amasiva Mattheene enallota dda Edomu wi, “Ethiyo ezeru ddohaamallella athu a o Tema? Ethiyo athu eezeru olangiza wiwa woomalla? Ethiyo ezeru ddiwanndde ddooriirya?

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

2 Mamwene 17:15

Kheyaapwatha malamulo a Apwiya ni echipangano ya Apwiya eyo yeerilliiwa ni makhollwiiwa. Kheyaapwathillettho ddoochenjeza dda Apwiya. Yaanathwara milluku ddoohikhalla ni mutteko, alliwa yaatthattuwa oohikhalla ni mutteko. Yaathwara ezisanzo dda athu a mitundu ddimodda awaatamanana naari Apwiya yaalamulalle wi eheereke moophwanaphwana ni mitundu ddennddo.

Yesaya 29:14

Sika kineerovirellella oweerella ddoottikhiniha athu yaayo. Ezeru dda athwiiwa eezeru ddineeromalla nave ochenjera wa athwiiwa oochenjera oneerewiipittha.”

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 19:7

Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Zekariya 13:4

“Nllapo nenno arive namallotella aneerowulliwa muru ni masomphenyiiwa. Khawa awarattho mukanjwaaye wamapururu wa anamallotella wi aallekekena athu.

Yobu 5:13

Annaamaka atambwali ni musampha wa owaraalla wiwa, annakukureyiha mwawaakuva ddoolinga ddiwa.

Yesaya 43:27

Nikhollo nawo nawaamba naachimwa, oohoollellaawo yaakilakwella,

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.