Yeremiya 8:8 - Mawu a Mulluku

⁸ Munaallote mwawiidde wi muri eezeru nave wi mookhalla ni malamulwaaka? Ngoonani vawi malamulwaayo aasinthiwa ni alembi awoottha.

Yeremiya 8:8 ပူးပေါင်းရင်းမြစ်များ

Yohane 9:41

Yesu ahaakhulla wi, “Mwakhanlleke oohoona, khamwaakhalle ni mullatu ekaamba ya machimo. Koma vano kaambiiwa munallota wi munnoona, mullatwaanyu wookhallavove.”

Aroma 1:22

Alliwaayo enaddeesa tti athu eezeru koma tti ookarangeya.

Mateyu 15:6

khanaphwanella waavaha olemu makhollwaaye. Mwawi ddiidda munnavevulla mawu a Mulluku vawi muniiwellella ehuddihwaanyu.

Masalimo 147:19

Ennamudduwelliha Yakobo mawiiwa, ennamuhuddiha Israele malamulwiiwa ni malangizwiiwa.

Yobu 12:20

Annaweeriha ellapo tuu oororomelliwa, annawaakha attekweene odduwella.

Hoseya 8:12

Kahaalembella malamulo manchichi koma khenaapwatha, enaweesa eelleto.

Miyambo 17:6

Edduullu sika oriiheya wa athu awuulluvalla nave olemu wa anamwani tti makhollwiiwa.

Yobu 11:12

Valle mukarangeya khawa atthattuwa eezeru, vaavove enama ddamuhakani dditthattuwalle eziweto.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yeremiya 19:7

Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.

Yesaya 43:27

Nikhollo nawo nawaamba naachimwa, oohoollellaawo yaakilakwella,

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yeremiya 48:14

“Ethiyo munawora mwawiidde ollota wi, ‘Hiyaano sika oovuwa, allupa ekhoto amasiva?’