Yeremiya 8:6 - Mawu a Mulluku

⁶ Kahaapella maaru nave kahiiwa koma kheyaallotillevo ddawoona. Khaavo arive oochimwa oyo oonihalle wi oolapa anallota wi, ‘Kenre tini mi?’ Koma arive muthu anathwara ettilla ddaye wonanko kavalo oothamakella ekhoto.

Yeremiya 8:6 ပူးပေါင်းရင်းမြစ်များ

Masalimo 14:2

Apwiya oddullu aawarama, enaaweha athu vatthimva wi yoone aarimi arivo eezeru, oomwaashaasha Mulluku.

Ezekiele 18:28

Vawi aadduwella onanara wa machimwaaye, aahiya, aneerokhalla ni okumi nave khakhwa.

2 Petro 3:9

Apwiya khenaselliwa weera nnddo yalonjezilliiwa, wonanko mmo amodda enaganizeriiwa. Koma ennuuvillellani kaambiiwa khenapaalla wi arive muthu oonongiwe koma enapaalla wi attheene erukunuwe murima.

Malaki 3:16

Vano athu oowoova Apwiya yahaamba okambirana nave Apwiya yahaapella maaru ni wiiwa. Vamiitthoni viwa vaakhalla nibukhu na yawuupusella mmo mwalembiwe manddina a athu oowoova ni waavaha olemu.

Mika 7:2

Athu oororomelleya aamalla va ellapo yavatthi, khaavo naari mmodda oolungama. Attheene enniipitthellana wi emorihe nikhame, arive muthu annamusaya mbalaaye ni nthavi.

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

Hagai 1:7

“Ella sika ekaambiiwa mi Apwiyaanyu Amasiva Mattheene kinalloteemi wi mupwathe phaama meetellwaanyu.

Hagai 1:5

Ella sika ekaambiiwa mi Apwiya Amasiva Mattheene kinalloteemi wi mupwathe phaama meetellwaanyu.

Ezekiele 22:30

Kaamwaashaasha muthu variyari viwa wi amake mpanda, wi iimelle mvo vakumuwalle, wi ateteze ellapo ni okipepesa wi kihiyoononge koma ngaamuphwanyille.

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

Yesaya 59:16

Yahoona wi khavaari muthu naari mmodda nave yaattikhina wi khavaari aweeravo ookhalla variyari. Vano yaapambana ni masiviiwa nave yahiillipiha ni echilungamwiiwa.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Yobu 10:2

Nyu Mulluku, muhikeeruze oolakwami, mukilleelle eyo munallipanelleenyu ni mi.

Yeremiya 23:25

Kohiiwa ddoollota dda anamallotella mmo enallotelliiwa ddawoottha mu nnddina naka enakhuwa wi, ‘Koolloha, koolloha!’

Yobu 34:31

Aahikhallavo muthu amulleellille Mulluku wi, ‘Koovillella ddoohoosa, ngaakullella ochimwa.

Yobu 34:32

Mukihuddihe nnddo kihinaddooneemi, kaarimi keerille yoohilungama, ngiwa keeraattho.’

Yesaya 57:17

Kaasha murima ekaamba ya osilila wiwa woonanara nave kahaallaka ni waareya etulli komave yaavirellella ohiiwellella ni wummiha murima ni othwara ettilla ddiwa.

Yeremiya 3:5

Ethiyo Apwiya ttuunishella murima wa enthawi yoohimalla? Ethiyo ttuunanariwa wa enthawi yoohimalla?’ Mmu sika wallotelleewe. Komave waavirellella weera ddoonanara moollikana ni mmo wapaallelleewe.”

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Zefaniya 3:7

Kaganiza wi athwaaka ennakoova, khetiwalla malamulwaaka, eneerewuupuwella ehuddihwaaka. Koma sika vano ettepilliiwa weera ddoonanara va mitteko ddiwa ddittheddene.”