Yeremiya 8:2 - Mawu a Mulluku

² Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

Yeremiya 8:2 ပူးပေါင်းရင်းမြစ်များ

2 Mamwene 23:5

Yosiya ahaakhumiha allupa mukutho a mafano ayo mamwene a o Yuda yaatthoollilliiwa wi eheraatthiki mikutho o mapuro oollapellamo mafano o mizinda dda mu ellapo ya Yuda ni mizi ddawaapheella Yerusalemu. Ahaakhumihattho ayo yaheraatthi mikutho wa Baala, nndduwa, mweeri, etheneeri ni ddeko ddittheddene dda oddullu.

Mitteko 7:42

Sika Mulluku ahaahiya nave aavelleella omallapello a etheneeri ddooddullu, ollikana ni ddalembiwe mu nibukhu na namallotella wi, ‘Nyu athu a o Israele, ethiyo mwaavelleella mikutho ni emphaso miyakha 40 mwaariinyu muchipululuni mulle?

Yeremiya 9:22

Apwiya yaakilleella wi killote wi, ‘Mitembo dda athu ddineeromora wonanko manyowa m'matani, wonanko mitolo ddoohiyiwa ni athu oohata koma khaavo anaadditote.’ ”

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Ezekiele 8:16

Vano aakikusella o nthato na muwari mwa enyumba ya Apwiya. Wenko, va mullako wa enyumba ya Apwiya, variyari va nikhote ni nikuwa vaakhalla allopwana 25. Yaareya etulli enyumba ya Mulluku, enaweha wookhuma nndduwa nave enallapella nndduwa.

Yeremiya 36:30

Sika dda Yehoyakimu mwene a o Yuda Apwiya enallota wi khaviwa viphwanyeyattho mmodda oovollowa munipuroni mwaye va mpando wa omwene wa Davide. Akhwa mutembwaaye otthaana onaakhalle vanndduwani nave mahiiyu onaakhalle vanakhuttuni.

Yeremiya 22:19

Enaamuvitthe wonanko bulu, oneeromukwekweresa wi yamutathille otte wa millako dda Yerusalemu.”

Yeremiya 19:13

Enyumba dda o Yerusalemu ni dda mamwene a o Yuda kineerodditthattusa ddooripihiwa wonanko Tofeti kaambiiwa tti enyumba nnddo vaddullu viwa yooselliiwavo lubani wa etheneeri ddooddullu, enavelleella mikutho ddoowirya wa milluku ddimodda.”

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Masalimo 83:10

ayo yoonongiwe o Endori ni waatthattusa manyowa muthayani.

2 Mamwene 21:3

Manase aamakattho mapuro oollapellamo mafano, ayo attiitthinnya Hezekiya yawoonongelliiwa. Aammakella Baala makuwa, aapanga mafano a Asherimu wonanko eerelle Ahabu mwene a Aisraele. Nave aanallapella ni orumeyella etheneeri.

Zefaniya 1:17

Apwiya enallota wi, “Kineerewaahoosa wawoopiha wawi eneeteke wonanko oohoona vawi yaakichimwella. Nikhame niwa ninaakhalle virive veko wonanko nthupi, miilli ddiwa ddinaakhalle virive veko wonanko mashi eeng'ombe.

Oollalleya 6:3

Naari muthu akhalle ni anamwani anchichi nave akhalle ni okumi wa miyakha ddinchichi naari miyakha ddayennddo ddaate mwawiidde koma ohihakallalla ni eyuumaaye nave makuthullellweene ahivitthiwe phaama. Miyaano kinallota wi muthooyo ookhwaranyiwa ni mwaana ookhote.

2 Mamwene 21:5

Nave aamaka makuwa oollapellavo ddeko ddamuddullu m'mathatoni meelli a enyumba ya Apwiya.

2 Mamwene 17:16

Yaatathilla malamulo mattheene a Apwiya Mullukwiiwa, yiipangella mafano meelli, asaana amukoko eeng'ombe eelli. Yaapangattho mafano mamodda a Asherimu enallapella ddeko ddamuddullu owaakattho Baala.

Deuteronomo 17:3

nave atathinlle echipangano voollapellani ni orumeyella milluku ddimodda monga nndduwa, mweeri apaalle etheneeri nnddo kahiihalleemi wi ehiddillapelleke.

Masalimo 53:5

Yaallathi eneerewoova wunchichi okhwaranya khalle, vawi Mulluku aneeromwara makhuva a adanaanyu, muneerewaawulliha muru vawi Mulluku ohaakhoota.

Yeremiya 14:16

Athu ayo yaallotenlliiwa eneerovokhelliwa m'misewuni dda mu Yerusalemu, ekhwille ni ekhoto apaalle ni ettalla. Alliwaayo, awariwa, aniiwa aallopwana ni aatthiyana, attheene eneerokhwa nave khavikhalla awaavittha. Kineerewaahokollosella ddoonanara.”

Yeremiya 16:11

Vano weyaano waakhulle wi, ‘Ekaambiiwa tti yawi makhollwaanyu yaakihiya mi Apwiya. Yaathwara milluku ddimodda enaddirumeyella ni oddillapella. Yaakihiya miyaano nave kheyiiwellenlle malamulwaaka.

Yeremiya 31:40

Ntapo nittheene mmo yatathillelliiwa mitembo ni ntuura navettho emata ddittheddene waambeella o muhinje wa Kidroni ophiya o Ekona ya Kavalo wookhuma nndduwa, ddittheddenennddo ddinaakhalle ddoopatuleya vamiitthoni va Apwiya nave khowa okumulliwattho apaalle woonongiwa.”

Ezekiele 6:5

Vano kineeroddihiya mitembo dda Aisraele vahoollo va mafanwaanyu. Kineeromwara makhuvaanyu moowaapheella makuwaanyu mattheene.

Ezekiele 29:5

Kineerewuutathillella ochipululuni weyaano vamodda ni ehomba dda m'muhinjeni mwawo. Oneeromorella ohakani oohikhallavo oyo anaawuuvitthe mu mahame. Kineerewuutthattusa yoocha ya enama ddamuhakani ni epallame.

Masalimo 83:11

Enduna ddiwa muddeerelle nnddo mwamwerenllenyu Orebu ni Zeebu. Anamwani a mamweniiwa mattheene, muweerelle nnddo mwamwerenllenyu Zeba ni Zalimuna.

Yeremiya 9:20

Mi kaallota wi, “Nyu atthiyana, iwellellani mawu a Apwiya, apellani maaru wi mwiiwe nnddo enallotiiwa. Ahuddiheni aniinyu aatthiyana winlla, ni akhwiinyu nchipo na maliro.

Yeremiya 9:21

Okhwa woowella m'mawindoni mwahu, woovollowa mu enyumba ddahu dda omwene. Waawiipha aniihu m'misewuni, waahaamalliha asombwaahu m'mathatoni.

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

Yeremiya 25:33

Va nllapo nenno attheene awiiphiwa ni Apwiya enaakhalle millumillu va ellapo ettheene yavatthi. Khaavo oyo anaawinlle apaalle waavittha mu mahame koma wonanko manyowa oomwareyella vatthi.

Ezekiele 39:5

Oneerokhwella ohakani vawi killotille tti miyaano. Mi Apwiya Mulluku koollota.