Yeremiya 8:18 - Mawu a Mulluku

¹⁸ Okhupanya waka tti woohimalla, murimaaka woofooka.

Yeremiya 8:18 ပူးပေါင်းရင်းမြစ်များ

Maliro 5:17

Ekaamba ya yeella mirima ddahu ddookukhumulleya navettho m'miitthoni mwahu moowa epiphi.

Yeremiya 6:24

A o Yerusalemu enaakhulla wi, “Nohiiwa epilliiwa nave masiva aanimallella. Ninimakhupanya ni wiiwa ovoreya wonanko wa mutthiyana vooyarani.

Yesaya 22:4

Sika vano muhinakiwehaka miyaano, kihiyeni kinlle moovoreyiwa murima. Muheese okikhurumusa murima va dda woonongeya wa athwaaka.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Yeremiya 23:9

Ekaamba ya anamallotella, murimaaka woophweeya, masiva aakimallella. Kiri wonanko muthu oolezela, muthu oovirikanyiheya ni vinyo ekaamba ya Apwiya ni mawiiwa aweella.

Yeremiya 4:19

Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.