Yeremiya 8:16 - Mawu a Mulluku

¹⁶ Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Yeremiya 8:16 ပူးပေါင်းရင်းမြစ်များ

Oweeruza 18:29

Muzindooyo yaawuvaha nnddina nawi Dani okusella nnddina na nikhollo niwa, oyo aari mwaana a Israele. Koma nnddina na muzindooyo vawaamba naari Laishi.

Oweeruza 5:22

“Vano weeta wa manyallo a akavalo wahiiweya wunchichi akavalo ayo yalluphallupha, ethamakaka wunchichi.”

1 Akorinto 10:28

Koma muthu mmodda allota wa nyuwaano wi, “Ddoocha ddenndda ddaaheraatthiwa mukutho wa mafano,” vano muhiche ddoocha ddennddo, ekaamba ya oyo uulleelleni navettho ekaamba ya yawuupusella murima,

1 Akorinto 10:26

Vawi mawu a Mulluku enallota wi, “Ellapo yavatthi ni erive ello ya mwemmo tti ya Apwiya.”

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Nahumu 3:2

Ngiiwani winlla wa miwashullo, oruma wa magudumu, mikhito dda akavalo ni ogugudeya wa magareta.

Yeremiya 47:3

Eneerewiiwa mukhito wa akavalo oothamaka, eneerewiiwa onyakulla wa magareta ni winlla wa magudumu. Makhollo kheyaapwatha aniiwa, eneerorama yaweera.

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Yeremiya 6:23

Ekusalle miira ni mavaka, tti athu awumma murima nave khenna echifundo. Enanyakulla wonanko enyanja nave ewenlle va akavalwiiwa okhozekella owana ekhoto ni we Ziyoni.”

Yeremiya 4:24

Kaaweha miyaango nave ddaanatikheya, asimiyaango yaanatthukumella.

Masalimo 24:1

Ellapo yavatthi ni ddittheddene ddiri mwemmo tti dda Apwiya, ellapo yavatthi ni athu ookhalla mwemmo tti ayiwa.

Oweeruza 20:1

Aisraele attheene yaatimulla waambeella o Dani ophiya o Beeresheba, owaakattho ellapo ya Giliyadi nave yaatthukumana vamiitthoni va Apwiya o Mizipa.

Yobu 39:20

Ethiyo onnamulluphiha wonanko muddope? Ovuma waye mookota tti wawoopopiha!

Yeremiya 3:24

Waambeella khalle, Baala, mulluku oowulliha muru, ohoonongiha mphuro wa mutteko wa makhollwaahu monga enkhosa ni eng'ombe ddiwa, aniiwa aallopwana ni aatthiyana.

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Yeremiya 30:5

“Nohiiwa winlla wootthukumella ni wawoova, murendelle khawiivo virive veko.

Yeremiya 30:16

Koma attheene yawoonongilleni, kineerowoonongattho alliwaayo. Attheene awuuhoosani eneerophariwa okaporo. Attheene awaakha ddeko ddanyu alliwattho eneerewaakhiwa. Attheene awuumallihani, alliwattho eneeromallihiwa.

Yeremiya 50:42

Ekusalle miira ni mavaka, tti athu awumma murima, khenna echifundo. Enanyakulla wonanko enyanja, ewenlle va akavalwiiwa okhozekella owana ekhoto ni we Babiloni.

Yeremiya 51:29

Ellapo yavatthi enimatthukumella, enimanyiphireya ekaamba ya ovoreya vawi Apwiya enakwakhwanihella nnddo Apwiya yaganizalliiwa ddoomutthattusa Babiloni echipululu, ellapo yoohikhalla ni athu.

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.