Yeremiya 8:15 - Mawu a Mulluku

¹⁵ Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Yeremiya 8:15 ပူးပေါင်းရင်းမြစ်များ

Yeremiya 14:19

Apwiya, ethiyo athu a o Yuda mohaatathilla? Ethiyo athu a o Ziyoni ennuunanarani mwaawoonaka? Kaambiiwa tini munoonongilleenyu mwawi ddiidda ophiyera wi khaninaworattho ochira? Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Mika 1:12

Athu a o Maroti ennakhupanya vootiyerellani nikavihero ekaamba yawi Apwiya aawiiha woonongeya vakhuviru ni Yerusalemu.

Yeremiya 8:11

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 4:10

Vano kaallota wi, “Ha, nyu Apwiya Mulluku, ddawoona, mohaalleka wunchichi athu yaalla ni Yerusalemu! Mwahaalonjeza wi eneerokhalla ni murendelle koma nsupada niri vanikohini viwa.”

Yobu 30:26

Koma vootiyerellani ddaphaama, ddoonanara ddaakimorella, vootiyerellani owala, epiphi yaakihuruwella.

Yeremiya 6:25

Nihaaheye oya omata apaalle weeta vamusewuni vawi adani enimawa ni ekhoto nave nohaapheelliwa ni ddawoopiha.”

Yeremiya 12:12

Athu awoononga aapallalleyella o asimiyaango a muutthakoni. Mi Apwiya kohaaruma akhoto wi yoononge ellapo ettheene, khaavo arive muthu anaakhalle mwamurendelle.

Ezekiele 7:25

Woopiha woophiya! Eneerewaashaasha murendelle koma khewuphwanya.