Yeremiya 8:14 - Mawu a Mulluku

¹⁴ Athu enakoha wi, “Kaambiiwa tini nineeriiwa moona okeraatthi? Hankoni attheene vamodda nithawelle o mizinda dda mipanda nakhwelle wenko. Apwiya Mullukwaahu aakamulla mullatu wi noophwanella okhwa aaniwiryiha maaddi anttipwi kaambiiwa nohaachimwella.

Yeremiya 8:14 ပူးပေါင်းရင်းမြစ်များ

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Yeremiya 9:15

Ngiiwani vano nnddo mi Apwiya Amasiva Mattheene, Mulluku a Israele, kineereemi. Athu yaalla kineerewaachiha ddoomella ddoowaawa ni waawiryiha maaddi anttipwi.

Maliro 3:19

Kinnuupuwella ddoohoosa ddaka ni ddookatamiha ddaka, ddiri wonanko yoowaawa nave nttipwi.

Yeremiya 35:11

Koma enthawi elle Nebukadinezara mwene a o Babiloni ahenlleeye ekhoto ellapweella, naallota wi, ‘Hankoni nitthaamelle o Yerusalemu wi nithawe milloko ddakhoto dda Ababiloni ni dda Asiriya.’ Sika ekaambiiwa ninakhalleehu o Yerusalemu wuno.”

Mateyu 27:34

Yaamuvaha vinyo oottakanyihera ni wamwa wi amuwirye koma amullawihalleeye, khaamuwiryalle.

Masalimo 69:21

Yaakihellella nttipwi mu yoochaaka, yaakiwiryiha vinyo oonyuunya kaariimi ni nthona.

2 Samuele 20:6

Vano Davide aamulleella Abishai wi, “Sheba, mwaana a Bikiri, aneeronikatamiha omukhwaranya Abishalomu. Waakuse akhotwaaka mumuthware ahiniiphwanyelle mizinda dda mipanda ddoollipa ni onihoosa hiyaano.”

Deuteronomo 29:18

Moonesese wi vihikhalle oorukunuwa murima wi aahiye Apwiya Mullukwaanyu naari mullopwana, mutthiyana, nibanja apaalle nlloko mwa attheenenyu ni waamba ollapella milluku ddimodda. Weera ddiidda onaphwanaphwana ni musisi wooyara nttipwi ni echipaso yoowaawa.

Zekariya 2:13

Nyu athu attheene, erani ellapo tuu vamiitthoni va Apwiya ekaamba yawi aavenya ni okhuma o nipuroni niwa naweella.

Habakuku 2:20

Koma Apwiya eri mu enyumbiiwa yaweella, ellapo yavatthi ettheene yeere ellapo tuu vamiitthoni viwa.

Amosi 6:10

Mbalaaye a mmodda a ookhwaayo oophwanella weetiha dda maliro aneerophiya wi akhumihe mutembo mpammo. Vano aneeromukoha mmodda oyo ahanlle mpammo wi, “Ethiyo mwemmo ookhallamottho mmodda ari mukumi?” Olliye aneerewaakhulla wi, “Iyaayi khaamo.” Nave mbalaayooyo aneerollota wi, “Ngamaalleya! Nihaaheye oromolla nnddina na Apwiya.”

Yeremiya 14:20

Nyu Apwiya, nohuuchimwellani wunchichi, ninnaakhullella machimwaahu ni a makhollwaahu.

Masalimo 39:2

Sika kaakhurumuwa woohillota ello, kaamaalleya woohillota naari yaphaama, koma ddookatamiha ddaavirellellave waata.

Deuteronomo 32:32

Adaniiwa tti oonanara wonanko Sodomu ni Gomora. Tti wonanko mpesa ddawimma ezipaso ddoowaawa ni ddanttipwi,

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Yesaya 47:5

Anamulleella Babiloni wi, “We namwalli Babiloni, era ellapo tuu ni ovollowa mwiipiphini, khewa yuuromollattho mwene aamutthiyana a moomwene.

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

Yeremiya 9:14

Koma yahumma murima ni othwara murimiiwa woonanara. Yaallapella mafano a Baala moollikana ni mmo makhollwiiwa yaahuddihelliiwa.