Yeremiya 8:13 - Mawu a Mulluku

¹³ “Kaapaalla wi kaatthukumanihe athwaaka wonanko oollima anatthukumanihelleeye ddoohata koma tti wonanko mpesa woohimma echipaso, wonanko muteekho wanamukuyu woohimma namukuyu wawi naari makukhu aanyaalla. Sika vano, koowaakhullella athu eelleto wi yaakhe ellapo.”

Yeremiya 8:13 ပူးပေါင်းရင်းမြစ်များ

Mateyu 21:19

Ahoona muteekho wanamukuyu mukhwipi mwa musewu aya vaavo koma khaaphwanyillevo ezipaso koma makukhuve. Vano aallota wa muteekhooyo wi, “Khawimmattho ezipaso mallapo mattheene!” Enthawi yeeyo muteekho wanamukuyooyo wahumma.

Yowele 1:7

Ohoononga mpesaaka, ohinttaka miteekho ddaka ddanamukuyu, ooddikhwarullella, ooddikumburulla makulliiwa aatathilla, addihiya enthambi ddiwa ddiri mbee!

Yeremiya 17:8

Ari wonanko muteekho wawaalliwa mukhwipi mwa muhinje, woorapa misisi ddiwa museresere mwa maaddi. Khonoova enthawi yooviha ekaamba yawi makukhwiiwa khenanyaalla. Va enthawi yoorama murimu khonakhupanya, khonahiya wimma ezipaso.”

Yakobo 1:11

Vawi nndduwa ninnakhuma ni oviha wiwa nave ninnuumiha ddoomella, malluwaaye ennamora navettho oreera wiwa onnamalla. Mwawi ddiiddattho muthu eeyuuma aneeronyaalla apharaka mutteko moohakallalla.

Hagai 2:17

Kahoononga mmiddo ddaanyu ddittheddene ni ephevo, nkhuwawe ni marallalla komave khamwaaganizalle ddoorukunuwa murima, Mi Apwiya koollota.

Hagai 1:11

Ella sika ekaambiiwattho kimorihalleemi ettalla va ellapo yavatthi ettheene, miyaango, va emata ddatirigu, ddampesa ni miteekho dda olivi, va ddittheddene ddoomella muthaani ni virive veko mvo athu enallimiiwa komattho va athu ni enama ddittheddene.”

Habakuku 3:17

Naari namukuyu ahiphuwe malluwa apaalle mipesa ddihiime ezipaso apaalle olivi ahimme ezipaso, m'matani muhikhalle ddoocha apaalle eziweto ddittheddene ddikhwe m'makhollani,

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Yesaya 5:10

Emata yampesa ya mahekitala khumi, vinywaaye anaaddalle muno mmoddave. Nave omidda mitaanga khumi a mmiddo, ddoohata ddene ddinaaddalle nidengu nimoddave.”

Levitiko 26:20

Ollipihella mutteko wanyu khophuraka ello vawi khamuhataka ello nave miteekho ddanyu khaddiimmaka ezipaso.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Hoseya 2:12

Kineerewoononga miteekho ddaye ddampesa ni ddanamukuyu nnddo alloteeye wi, ‘Yaalla sika mallivellwaaka ayo ezibwenzi ddaka ddakivahilliiwa.’ Kineeroyitthattusa otthako nave enama ddamuhakani ddineerewoononga.

Yeremiya 14:15

Sika mi Apwiya kinallota dda anamallotella yaalla ayo enallotella munnddina naka naari kihaarumme, ayo enuulleellani wi khemukhwa ni ekhoto apaalle ni ettalla mwiillaponimmu wi kineerowiipha ni ekhoto apaalle ni ettalla.

Ezekiele 22:31

Sika ekaambiiwa kaananariwelleemi wunchichi. Kineerowoononga ni osha waka wookhara wonanko munllo. Vano kineerewaallaka mowaahokollosella ddoonanara. Mi Apwiya Mulluku koollota.”

Malaki 3:11

Ngaakhullella wi middope ddoononge ddam'matani mwanyu nave mipesa ddanyu khaddihiya wimma ezipaso. Kinallota tti mi Apwiya Amasiva Mattheene.