Yeremiya 8:12 - Mawu a Mulluku

¹² Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Yeremiya 8:12 ပူးပေါင်းရင်းမြစ်များ

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yesaya 3:9

Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.

Masalimo 52:7

“Ngamooneni muthu oyo ahinapaalla omuroromella Mulluku, koma anahameella eyuumaaye yawaata, anallipihella weera ddoonanara.”

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Masalimo 52:1

We amasiva kaambiiwa tini onakotelleewe ddoonanara, echikondi yoohisintheya ya Mulluku tti yoohimalla?

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

Hoseya 5:9

Efuremu aneerotthattuwa ntepe va echiweruzo. Kinallalleya ddawoona wa nyu Aisraele attheene.

Yesaya 24:2

Arive muthu aneerewoona ddoophwanaphwana, monga athu shisha ni allupa mukutho, akaporo aallopwana ni apwiiwa aallopwana, akaporo aatthiyana ni apwiiwa aatthiyana, ookulla ni ookulliha, oopolleya ni oopolleyiha navettho ookongola ni ookongoliha.

Yeremiya 6:21

Sika vano athu yaalla kineerewaahiyera ddookwakwatuwiha. Makhollo ni anamwaniiwa eneerokhwa, awaattanana ni awaatamanana eneerewoonongeya.”

Yeremiya 10:15

Mafano khenna mutteko, tti oophwanella waavevulla, voollakiwani eneerewoonongiwa.

Yeremiya 44:10

Koma ophiyera ollello khamunalape, khamunakoova nave khamuthwanre malamulwaaka ayo kawinnyalleemini nyuwaano ni makhollwaanyu.

Ezekiele 23:18

Mutthiyanooyo aanararuwa mooddoonihella nave aanooniha epwillimwinddaaye moohiwulliwa muru. Sika kaananariwana wonanko mmo keerelleemi ni muullupallaaye.

Genesis 19:34

Ohinase wene mwaana muullupallooyo aamulleella mung'onong'onwaayoolle wi, “Miyaano mahiiyu evirallaalla kaakona ni attiitthiihu. Hanko naalezelihettho nave weyaanottho mahiiywaalla okonena wi mutundwaahu ohimalle.”

Yeremiya 14:15

Sika mi Apwiya kinallota dda anamallotella yaalla ayo enallotella munnddina naka naari kihaarumme, ayo enuulleellani wi khemukhwa ni ekhoto apaalle ni ettalla mwiillaponimmu wi kineerowiipha ni ekhoto apaalle ni ettalla.

Yeremiya 23:12

Ekaamba ya yeella ettilla ddiwa ddinaakhalle ddoottherenya ni ddeepiphi. Kineerewaakwakwatuwiha ni waakuha vawi kineerewaawiihella ddoonanara va enthawi ya ollakiwa wiwa. Mi Apwiya koollota.