Yeremiya 8:11 - Mawu a Mulluku

¹¹ Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 8:11 ပူးပေါင်းရင်းမြစ်များ

Yeremiya 6:14

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Ezekiele 13:22

Woottha wanyu wahaatathilliha murima athwaaka oolungama ayo mi kihinapaalleemi wi etathille murima. Mwaawummiha murima athu oonanara wi ehihiye machimwiiwa wawi khewora ovullusa okumiiwa.”

1 Mamwene 22:13

Amithenga olle ayiille woomwiithana Mikaya aamulleella wi, “Ngoonani, enallota anamallotella attheene enaallotella amwene ddaphaama. Sika nanyeenettho mullotelle emoddamoddave. Mullotelleke ddaphaama.”

1 Mamwene 22:6

Vano mwene Ahabu ahaatthukumaniha anamallotellaaye 400 aakoha wi, “Ethiyo kiye kawane ekhoto ni Ramoti Giliyadi apaalle kihiyeewo?” Anamallotellaayo yaamulleella wi, “Khaweni vawi Apwiya eneerowuvelleella muzindooyo m'mattani mwanyu.”

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Yeremiya 8:15

Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Yeremiya 14:13

Koma miyaano kaallota wi, “Ha, nyu Apwiya Mulluku, anamallotelliiwa enaalleella athu wi khewa ekhwa ni ekhoto nave khamuwa mumora ettalla mwiillaponi mwahu koma munaakhalle murendelleve.”

Yeremiya 23:17

Ennavirellella waalleella athu ookivevulla wi, ‘Muneerokhalla ni murendelle.’ Nave ayo enummellella othwara ddoopaalla dda murimiiwa enaalleella wi, ‘Khamuwa moona yoohoosa.’ ”